အန်အယ်ဒီလ်ရဲ့ လွှတ်တော်ကိုယ်စားလှယ်လောင်းများအထဲတွင် လူငယ်များမှာ သုံးပုံတစ်ပုံခန့် ပါဝင်မည်....

NLD ရဲ့ အမတ်လောင်းများရွေးချယ်ခြင်းအပေါ် ထုတ်ပြန်ကြေငြာချက်

ဧပြီ ၁ ရက်မှာ ကျင်းပမယ့် ကြားဖြတ် ရွေးကောက်ပွဲမှာ အန်အယ်လ်ဒီ အနေနဲ့ ၀င်ရောက် ယှဉ်ပြိုင်မယ့် လွှတ်တော် ကိုယ်စားလှယ်လောင်းတွေထဲမှာ လူငယ် အရေအတွက် သုံးပုံတစ်ပုံ ပါဝင်မယ်လို့ ရန်ကုန်တိုင်း မဲဆန္ဒနယ်မြေ တစ်နေရာက ပါဝင် ယှဉ်ပြိုင်မယ့် ၈၈ မျိူးဆက် ကျောင်းသား ခေါင်းဆောင်တစ်ဦး ဖြစ်တဲ့ ကိုဖြိုးမင်းသိန်းက ပြောပါတယ်။

 

‘ဒေါ်အောင်ဆန်းစုကြည်နှင့်အတူ...’ ဟူသော စာတမ်းပါ တီရှပ်ဆင်တူ ဝတ်ဆင်၍ နိုဝင်ဘာ ၁၂ ရက်က အမျိုးသား ဒီမိုကရေစီ အဖွဲ့ချုပ် ရုံးရှေ့တွင် ဒေါ်အောင်ဆန်းစုကြည် လွတ်လာမည်ဟု မျှော်လင့် စောင့်ဆိုင်းနေသူများ ဖြစ်ပါသည်။ (Photo: AFP)

“အဖွဲ့ချုပ်ထဲကို ၈၈ မျိုးဆက်ကနေ ကျောင်းသားတွေဟာ အစုအဖွဲ့နဲ့ ဝင်ရောက်မှာ မဟုတ်ဘူး။ တစ်ဦး တစ်ယောက်ချင်းစီရဲ့ လွတ်လပ်တဲ့ သဘောဆန္ဒတွေ အပေါ်ကနေ ဝင်ရောက် ဆောင်ရွက်လာမှာ ဖြစ်ပါတယ်။ တိုင်းနဲ့ပြည်နယ် အနှံ့၊ ပြောမယ်ဆိုရင် နယ်မြို့တွေက လူတွေ တော်တော် များများဟာ အမျိုးသား ဒီမိုကရေစီ အဖွဲ့ချုပ်မှာ ရပ်တည်ကြဖို့ ဆန္ဒ သဘောထား ရှိပါတယ်။ ရန်ကုန်မှာတော့ တချို့က အဖွဲ့ချုပ်ရဲ့ ပြင်ပကနေပြီးတော့ပဲ ဝိုင်းရံမယ်ဆိုတဲ့ အခြေအနေမျိုးတွေ ရှိပါတယ်။ အခုကာလမှာ ဒီမိုကရေစီ အသွင်ကူးပြောင်းရေး တစ်ရပ်ကို ဆောင်ရွက်နေတဲ့ အခြေအနေမှာ ၂၀၁၀ ကြားဖြတ် ရွေးကောက်ပွဲကို ဒီမိုကရေစီရေး တိုက်ပွဲ အသွင်သဏ္ဌာန်နဲ့ လူထုပါဝင်တဲ့ လူထုလှုပ်ရှားမှုပုံစံ ကျွန်တော်တို့ ဆောင်ရွက်သင့်ပါတယ်။ ဒါဟာ ဒီမိုကရေစီရေး အတွက် လှုပ်ရှားမယ့် ဒီမိုကရေစီ တိုက်ပွဲ တစ်ခုပါ။” လွှတ်တော် ကိုယ်စားလှယ်လောင်းတွေရဲ့အရည်အချင်းမှာလည်း ဒီမိုကရေစီရေး အပေါ် သစ္စာစောင့်သိသူတွေ၊ ပညာ အရည်အချင်းနဲ့ အလုပ်အကိုင် အတွေ့အကြုံ ရှိသူတွေ၊ တိုင်းရင်းသားတွေ၊ အမျိုးသမီးတွေနဲ့ လူငယ်တွေကို ဦးစားပေးမယ်လို့ အန်အယ်လ်ဒီက ကြေညာထားပါတယ်။ ၀င်ရောက် ယှဉ်ပြိုင်မယ့် လွှတ်တော် ကိုယ်စားလှယ်လောင်း အမည် စာရင်းတွေကိုတော့ အန်အယ်လ်ဒီ ပါတီကို မနက်ဖြန် နောက်ဆုံး စာရင်း ပေးသွင်းရပါမယ်။ ဒီအတောအတွင်း မနေ့က ကျင်းပတဲ့ အန်အယ်လ်ဒီ ဗဟို အလုပ်အမှုဆောင် အစည်းအဝေးမှာ ဒေါ်အောင်ဆန်းစုကြည်က လာမယ့် ကြားဖြတ် ရွေးကောက်ပွဲမှာ ကော့မှူးမြို့နယ်ကနေ မိမိ ၀င်ရောက် ယှဉ်ပြိုင်မှာ ဖြစ်ကြောင်း တင်ပြခဲ့ပြီး ဗဟို အလုပ်အမူဆောင် အဖွဲ့ကလည်း အတည်ပြုခဲ့တယ်လို့ သိရပါတယ်။ လာမယ့် ဧပြီ ၁ ရက်မှာ ကျင်းပဖို့ရှိတဲ့ ကြားဖြတ် ရွေးကောက်ပွဲမှာ လစ်လပ်နေရာ ၄၈ နေရာအနက် အန်အယ်လ်ဒီ ပါတီက ပါဝင်ယှဉ်ပြိုင်မယ့် ကိုယ်စားလှယ်လောင်းများရဲ့ အမည်စာရင်းကို ဇန်န၀ါရီ ၁၁ ရက်နောက်ပိုင်းမှာ ထုတ်ပြန်ဖို့ ရှိပါတယ်။

 ဆက်စပ်သတင်း- NLD ၏ ကြားဖြတ်ရွေးကောက်ပွဲတွင် ကိုယ်စားလှယ်အဖြစ် စေလွှတ်သူများ ....

နှစ်သစ်တွင် အသစ်မွမ်းမံဖွဲ့စည်းလိုက်သော အမျိုးသားဒီမိုကရေစီအဖွဲ့ချုပ်ကြီး၏ သဘာပတိနှင့် ဗဟိုလုပ်အမှုဆောင်အဖွဲ့.(ကြေညာချက်)

အမျိုးသား​ဒီမိုက​ရေစီအဖွဲ့​ချုပ်

အမှတ်(၉၇/ခ)၊​ အနောက်ရွှေဂုံတိုင်လမ်း

ဗဟန်းမြို့နယ်၊ရန်ကုန်မြို

၂၀၁၂ ခုနစ်၊ဇန်နဝါရီလ(၁၀)

၁၃၇၃ ခုနစ်ပြာသိုလပြည့်ကျော် (၂)ရက်နေ့

ကြေညာချက်အမှတ်-၂ / ၀၁ / ၁၂

အမျိုးသားဒီမိုကရေစီအဖွဲ့ချုပ် ကျစ်လစ်ခိုင်မာတောင့်တင်းရန်၊ အဖွဲ့ချုပ်၏နိုင်ငံ​ရေး​ဝါဒ သ​ဘောတရား​နှင့် လုပ်ငန်းစဉ်များ ထိရောက်စွာ အကောင်အထည်ဖော်နိုင်စေတို့ အတွက် အောက်ပါ ပုဂ္ဂိုလ်များကိုပါတီစည်းမျဉ်း၊ဖွဲ့စည်းပုံနှင့်အညီ သဘာပတိအဖွဲ့နှင့် ဗဟိုလုပ်အမှုဆောင်များအဖြစ်တာဝန်ပေးအပ်လိုက်ပါသည်။

သဘာပတိအဖွဲ့-

၁။ ဦး​တင်ဦး​    - နာယက
၂။ ဦး​ဝင်းတင်

၃။ ဦး​သန်းထွန်း
၎။ ဦး​လှ​ဖေ
၅။ ဦး​ညွှန့်ဝေ

ဗဟိုလုပ်အမှုဆောင်အဖွဲ့-

၁။ ​ဒေါ်အောင်ဆန်းစုကြည်    - ဥက္ကဌ

၂။ ဦး​ဉာဏ်ဝင်း

၃။ ဦး​ဝင်းမြင့်

၎။ ဦး​အုန်းကြိုင်

၅။ ဦး​ဟံသာမြင့်

၆။ ဦး​ထွန်းထွန်းစိန်

၇။ ​ဒေါက်တာမေဝင်းမြင့်
နောင်တွင်သဘာပတိအဖွဲ့နှင့် အမှုဆောင်အဖွဲ့ကို လိုအပ်သလိုပြင်ဆင်ဆောင်ရွှက်သွားမည်။

၉-၁-၁၂ ရက်နေ့တွင် ကျင်းပသောဗဟိုလုပ်အမှုဆောင်အဖွဲ့၏အစည်းအဝေးဆုံးဖြတ်ချက်အရ။

ဗဟိုလုပ်အမှုဆောင်အဖွဲ့

အမျိုးသားဒီမိုကရေစီအဖွဲ့ချုပ်၊ ရန်ကုန်မြို့