လွတ်ငြိမ်းချမ်းသာခွင့် နောက်ထပ် ထုတ်ပြန်ဖို့ရှိ

မြန်မာအစိုးရအနေနဲ့ နောက်ထပ် လွတ်ငြိမ်းချမ်းသာခွင့် ထုတ်ပြန်ဖို့ ရှိတယ်လို့ သမ္မတဦးသိန်းစိန်ရဲ့ နိုင်ငံရေး အကြံပေးအဖွဲ့ခေါင်းဆောင် ဦးကိုကိုလှိုင်က ပြောကြားလိုက်ပါတယ်။

AFP

မြန်မာအစိုးရ၏ လွတ်ငြိမ်းချမ်းသာခွင့် ကြေညာချက်အရ ၂ဝ၁၁ ခုနှစ် အောက်တိုဘာလ ၁၂ ရက်နေ့က လွတ်မြောက်လာမည့်သူများကို အင်းစိန်အကျဉ်းထောင်ရှေ့တွင် စောင့်ဆိုင်းနေကြသည့် မိသားစုဝင်များ။

နိုင်ငံတော်သမ္မတရုံးက အောက်တိုဘာ ၁၂ ရက် နေ့စွဲနဲ့ ထုတ်ပြန်တဲ့ လွတ်ငြိမ်းချမ်းသာခွင့်မှာ အကျဉ်းကျ နိုင်ငံရေးခေါင်းဆောင် အနည်းငယ်သာ ပါဝင်တာနဲ့ ပတ်သက်ပြီး RFA က ဆက်သွယ်မေးမြန်းရာမှာ အခုလို ပြောဆိုလိုက်တာပါ။

“အခု လွတ်ငြိမ်းချမ်းသာခွင့်က နောက်ဆုံးအကြိမ် ဟုတ်မှာ မဟုတ်ပါဘူး။ နောက်လည်း ထပ်လာအုံးမှာပေါ့နော်။ နောက် ဆက်ပြီးတော့လည်း ဒါမျိုးတွေ ပေါ်လာလိမ့်မယ်လို့တော့ ကျနော် ထင်ပါတယ်။ အဲဒီတော့ ဒီတခါ မပါပေမယ့်လည်း နောက်အခါ နောက်အခါတွေမှာ ပါလာနိုင်မယ်လို့တော့ ကျနော် ထင်ပါတယ်”

အောက်တိုဘာလ ၁၂ ရက်နေ့က လွတ်ငြိမ်းချမ်းသာခွင့်နဲ့ လွတ်မြောက်လာတဲ့ အကျဉ်းသား ၆ ထောင့် ၃ ရာ ကျော်ထဲမှာ နိုင်ငံရေး အကျဉ်းသား ၂ ရာကျော်သာ ပါဝင်ခဲ့ပါတယ်။ ‘အခုလကုန်ပိုင်းမှာ ကိုမင်းကိုနိုင် လွတ်မြောက်လိမ့်မယ်၊ တတိယအကြိမ် လွတ်ငြိမ်းချမ်းသာခွင့် ထုတ်ပြန်ဖို့ရှိတယ်’ ဆိုပြီး သတင်းတွေ ထွက်ပေါ်ခဲ့ပါတယ်။ ဒါနဲ့ ပတ်သက်လို့ အခြေအနေအပေါ် မူတည်ပြီး နောက်ထပ် အမိန့်ထုတ်ပြန်လိမ့်မယ်လို့ ယူဆကြောင်း ဦးကိုကိုလှိုင်က ပြောပါတယ်။

အကျဉ်းသားလဲလှယ်ရေး အစ္စရေး ပါလက်စတိုင်း ပြင်ဆင်

အစ္စရေးနဲ့ ပါလက်စတိုင်းတို့ဟာ ဖမ်းဆီးထားတဲ့ အကျဉ်းသားတွေ အများအပြားကို လာမယ့်အင်္ဂါနေ့မှာ လဲလှယ်သွားမယ်လို့ နှစ်ဘက် တာဝန်ရှိသူတွေက ပြောလိုက်ပါတယ်။ ဗွီအိုအေ ရုံးစိုက်ရာ ဂျေရုစလင်မြို့ကနေ ဗွီအိုအေသတင်းထောက် Robert Berger သတင်းပေးပို့ထားတာကို ကိုရန်နိုင်က တင်ပြထားပါတယ်။
ဂါဇာကမ်းမြောင်ဒေသကို ထိန်းချုပ်ထားတဲ့ ပါလက်စတိုင်း လက်နက်ကိုင်အဖွဲ့ ဟားမက်စ်အဖွဲ့ဟာ သူ့တို့ဖမ်းဆီးထားတဲ့ အစ္စရေးစစ်သား ဂီလားရှလစ်ကို အစ္စရေးကို ပြန်လွှဲပြောင်းပေးရေးကိစ္စ ဆွေးနွေးဖို့အတွက် အီဂျစ်ထောက်လှမ်းရေး တာဝန်ရှိသူတွေနဲ့ စနေနေ့က တွေ့ဆုံခဲ့ပါတယ်။ ရှလစ်ဟာ လွန်ခဲ့တဲ့ ၅ နှစ်က ဟားမက်စ် တပ်ဖွဲ့တွေရဲ့  နယ်စပ်ဖြတ်ကျော် သိမ်းယူမှုအတွင်း အဖမ်းခံခဲ့ရတာဖြစ်ပြီး အဲဒီအချိန်ကတည်းက သူဟာ ဂါဇာဒေသမှာ အထိန်းသိမ်းခံထားရတာပါ။
အားလုံး အစီအစဉ်တကျနဲ့ ချောချောမွေ့မွေ့ ဖြစ်ခဲ့မယ်ဆိုရင် ရှလစ်ကို အင်္ဂါနေ့ကျရင် အီဂျစ်နိုင်ငံဘက်ကို လွှတ်ပေးလိုက်မှာ ဖြစ်ပါတယ်။ အဲဒီနောက် အစ္စရေးဘက်ကို လွှဲပြောင်းပေးမှာပါ။ အပြန်အလှန်အနေနဲ့ အစ္စရေးဘက်ကလည်း ပါလက်စတိုင်း အကျဉ်းသား ၄၇၇ ယောက်ကို လွှတ်ပေးမှာပါ။ အဲဒီထဲမှာ လူတွေသေဆုံးခဲ့တဲ့ ဗုံးဖောက်ခွဲမှုတွေမှာ ပါဝင်ခဲ့တဲ့ ထိပ်တန်း စစ်သွေးကြွအဖွဲ့ဝင်တွေလည်း ပါဝင်ပါတယ်။ ဒါ့အပြင် နောက်ထပ် ပါလက်စတိုင်းအကျဉ်းသား ၅၅၀ ကိုတော့ လာမယ့် ၂ လအတွင်းမှာ လွှတ်ပေးသွားမှာဖြစ်ပါတယ်။

ထိုင်းရေဘေးကူညီဖို့ အမေရိကန် မရိမ်းတပ်တွေ ရောက်ရှိ

ရေကြီးတဲ့ဒဏ်ကိုခံနေရတဲ့ ထိုင်းနိုင်ငံကို အကူအညီပေးဖို့ အမေရိကန် မရိန်းတပ်ဖွဲ့ဝင်တွေ မနေ့ကပဲ ကူညီကယ်ဆယ်ရေး ကိရိယာတွေနဲ့ ဘန်ကောက်မြို့တော်ကို ရောက်လာခဲ့ကြပါတယ်။ သဲအိပ်တွေနဲ့ တခြား အကူအညီပေးရေး ပစ္စည်းတွေလည်း သယ်လာခဲ့ကြတာပါ။
ထိုင်းနိုင်ငံမှာ ၇၆ ခရိုင်ရှိတဲ့အထဲက ၆၁ ခရိုင်မှာ ရေကြီးတဲ့ဒဏ်ကို ခံနေကြရပြီး အဲဒီမှာ အကူအညီပေးနေတဲ့ ထိုင်းစစ်တပ်နဲ့အတူ အမေရိကန် မရိန်းတပ်ဖွဲ့ဝင်တွေက ပူးပေါင်း လုပ်ကိုင်ကြလိမ့်မယ်လို့ ထိုင်းနိုင်ငံဆိုင်ရာ အမေရိကန်သံအမတ်ကြီး ခရစ္စတီး ကင်နီက ပြောပါတယ်။
ရေကြီးတဲ့ဒဏ်ကြောင့် သေဆုံးသူပေါင်း ၃၀၀ လောက်ရှိနေပြီလို့ ထိုင်းအရာရှိတွေက ပြောပါတယ်။ သေဆုံးသူ အများစုဟာ ဘန်ကောက်မြို့တော် မြောက်ပိုင်းနဲ့ ရှေးဟောင်းမြို့တော် အယုဒ္ဓယက လူတွေပါ။ မနေ့ကအထိ အယုဒ္ဓယမြို့ နေရာတော်တော်များများက ရေမြှုပ်နေတုန်းပါ။ မြို့နေလူတချို့နဲ့ သူတို့ရဲ့ အိမ်မွေးတိရစ္ဆာန်တွေက အိမ်ခေါင်မိုးတွေပေါ် တက်နေကြပါတယ်။ ရေသိပ်မကြီးတဲ့နေရာမှာကို လူရဲ့ခါးလောက်အထိ ရေရှိနေတာပါ။
ကူညီကယ်ဆယ်ရေးသမားတွေက လှေတွေ၊ မော်တော်တွေနဲ့ ကယ်ဆယ်ရေးပစ္စည်းတွေကို လိုက်ပြီး ဝေငှပေးနေပါတယ်။ အယုဒ္ဓယမြို့က လူအတော်များများဟာ လျှပ်စစ်မီးလည်းမရ၊ အစားအစာနဲ့ ရေတွေလည်း မရနိုင်ကြဘဲဖြစ်နေတယ်လို့ ဒါ့ခ်ျ လူမျိုး ကူညီရေးသမားတစ်ဦးက ပြောပါတယ်။
ဘန်းပလို့ခေါ်တဲ့ အယုဒ္ဓယခရိုင်က စက်မှုဇုံမှာ အလုပ်သမားတွေက ရေကြီးတာကို ကြိုးစားပြီးကာကွယ်ခဲ့ကြပေမဲ့ နောက်ဆုံးမှာတော့ မတတ်နိုင်တော့လို့ မနေ့ကပဲ စက်ရုံတွေကို ပစ်ထားခဲ့ရပြီဖြစ်ပါတယ်။

နယူးယောက်ကစတဲ့ Occupy လှုပ်ရှားမှု ကမ္ဘာ့နိုင်ငံတွေကို ပျံ့နှံ့

Occupy Wall Street လို့ခေါ်တဲ့ အမေရိကန်ပြည်ထောင်စု နယူးယောက်မြို့ကနေ စတင်ခဲ့တဲ့ စီးပွားရေး မညီမျှမှုကို တောင်းဆိုတဲ့ ဆန္ဒပြမှုဟာ နိုင်ငံတကာအထိပါ ဂယက်ရိုက်ခတ်မှုတွေ ရှိလာနေပါပြီ။ အီတလီနိုင်ငံ ရောမမြို့မှာ မနေ့တုန်းက ရာနဲ့ချီတဲ့ဆန္ဒပြသူတွေ ရောမမြို့ရဲ့လမ်းမတွေပေါ်မှာ ပြည့်နေခဲ့ကြပြီး အဲဒီအထဲက တချို့ဟာ အဆောက်အဦးတွေမှာရှိတဲ့ ပြတင်းပေါက်တွေကို ရိုက်ခွဲတာတွေနဲ့ မီးရှို့တာတွေ လုပ်ခဲ့ကြပါတယ်။ ရောမမြို့မှာ ရဲအင်အားကလည်း ကြီးကြီးမားမား ချထားပါတယ်။
ဗြိတိန်နိုင်ငံ လန်ဒန်မြို့မှာလည်း ဆန္ဒပြသူတွေနဲ့ ရဲတွေအကြား ရုန်းရင်းဆန်ခတ် ဖြစ်ခဲ့ကြပါတယ်။ အဲဒီမှာလည်း ရာနဲ့ချီတဲ့ ဆန္ဒပြသူတွေဟာ စိန့်ပေါလ် ဘုရားရှိခိုးကျောင်းနားမှာ လာပြီးစုရုန်းခဲ့ကြပါတယ်။ ဆန္ဒပြပွဲတွေဟာ သြစတေးလျ၊ နယူးဇီလန်၊ စပိန်၊ ဂျာမနီနဲ့ ပြင်သစ်နိုင်ငံတွေမှာပါ ဖြစ်ပွားနေတာပါ။
ပြင်သစ်နိုင်ငံမှာ G-20 လို့ခေါ်တဲ့ ကမ္ဘာ့စီးပွားရေး အင်အားကြီးနိုင်ငံ၂၀ ရဲ့ အစည်းအဝေးကို ကျင်းပနေတာပါ။ အဲဒီမှာ အဓိကဆွေးနွေးနေတာကလည်း ဥရောပက စီးပွားရေး အကျပ်အတည်းကိစ္စပါပဲ။ အမေရိကန် ပြည်ထောင်စုမှာလည်း မြို့တော်ဝါရှင်တန်ဒီစီနဲ့ နယူးယောက်မြို့ အပါအ၀င် တခြားစီးပွားရေး အချက်အခြာကျတဲ့ မြို့ကြီးတွေမှာ ဆန္ဒပြပွဲတွေ ဆက်ပြီးဖြစ်ပွားနေတုန်းပါပဲ။
ဝါရှင်တန်ဒီစီမြို့တော်မှာ ဆန္ဒပြသူအင်အား ၅၀၀လောက်က မြို့တွင်းကို လှည့်ပြီးဆန္ဒပြခဲ့ကြပါတယ်။ ဆန္ဒပြသူတွေ မကျေမနပ်ဖြစ်နေတာက ဆင်းရဲသူနဲ့ ချမ်းသာသူတွေအကြား မညီမမျှ ဖြစ်လွန်းနေတဲ့ အချက်ကိုပါပဲ။ ဆန္ဒပြသူတွေက သူတို့ကိုယ်သူတို့ ၉၉ ရာခိုင်နှုန်းလို့ ခေါ်ကြပါတယ်။ ကျန်တဲ့ ၁ ရာခိုင်နှုန်းက ကမ္ဘာ့လူချမ်းသာတွေလို့ ပြောနေကြတာဖြစ်ပါတယ်။

မြ၀တီမြို့ စက်သုံးဆီသိုလှောင်နေရာ မီးလောင်

ထိုင်းနိုင်ငံဘက်မှ တင်သွင်းသည့် စက်သုံးဆီများ သိုလှောင်ရာ ကရင်ပြည်နယ် မြ၀တီမြို့အမှတ် ၅ ရပ်ကွက် ကမ်းနားတွင် ယနေ့ မွန်းလွဲပိုင်းက မီးလောင်မှုဖြစ်ပွားပြီး လူတဦး ပြင်းထန်စွာ ထိခိုက်ဒဏ်ရရှိသဖြင့် ထိုင်းနိုင်ငံ မဲဆောက် မြို့ဘက်ရှိ ဆေးရုံသို့ ပို့ဆောင်လိုက်ရသည်။

မီးသတ်ကားများဖြင့် ငြှိမ်းသတ်ပြီးနောက် တွေ့ရသည့် မြ၀တီအမှတ် ၅ ရပ်ကွက်ရှိ မီးလောင်မှုဖြစ်ပွားသော စက်သုံးဆီ သိုလှောင်သည့်နေရာ(ဓာတ်ပုံ - ဧရာဝတီ)

မြ၀တီမြို့မှ မျက်မြင်သက်သေတဦးက“ဒီနေ့မွန်းလွဲ ၁ နာရီခွဲမှာ ထိုင်းဘက်ကလာတဲ့ ဆီတွေကို ပြောင်းတင်တဲ့အချိန်မှာမီး စ လောင်တာ၊ ၃ နာရီလောက်မှာ မီးငြိမ်းသွားတယ်၊ အလုပ်သမားတဦးကတော့ ဒဏ်ရာရလို့ ထိုင်းဘက်ပို့လိုက်တယ်”ဟုပြော သည်။
မီးလောင်မှု ဖြစ်ပွားသည့်နေရာသည် ထိုင်းနိုင်ငံဘက် အမှတ် ၁၀ လှေဆိပ်မှတဆင့် တရားမ၀င်နည်းဖြင့် တင်သွင်းလာသည့် စက်သုံးဆီမျိုးစုံကို ကရင်ပြည်နယ်၊ မွန်ပြည်နယ်နှင့် အခြားဒေသများသို့ လက္ကားဖြန့်ဖြူးပေးသည့်နေရာဖြစ်ပြီး ထိုင်း-မြန်မာ နယ်ခြား သောင်ရင်းမြစ်၏ မြန်မာဘက်ကမ်းနဖူးတွင် တည်ရှိသည်။
မီးလောင်ရာသို့ မြ၀တီခရိုင် မီးသတ်တပ်ဖွဲ့မှ မီးသတ်ကား၂ စီးက လာရောက်ငြိမ်းသတ်ပေးခဲ့ခြင်းဖြစ်ပြီး ပျက်စီးဆုံးရှုံးမှုပမာဏ ကို သိရှိရခြင်းမရှိသေးဟု မြန်မာဘက် စက်သုံးဆီတင်ပို့သည့် ထိုင်းလုပ်ငန်းရှင်တဦးက ပြောသည်။
ထိုင်း လုပ်ငန်းရှင်များက ထိုစက်သုံးဆီများကို မလေးရှားနိုင်ငံမှတဆင့် ၁၈ ဘီးတပ်ယာဉ်များဖြင့် ထိုင်းနိုင်ငံသို့တင်သွင်းလာပြီး မြန်မာ နိုင်ငံသို့ ပြန်လည်ရောင်းချရာ တလ လျှင် စက်သုံးဆီပမာဏ လီတာ ၄ သိန်း နီးပါးခန့်ရှိကြောင်း သိရသည်။
ယင်း စက်သုံးဆီများမှာ ထိုင်းနိုင်ငံအတွင်း လုံးဝရောင်းချခွင့်မရှိကြောင်း လုပ်ငန်းလိုင်စင်တွင် ဖော်ပြထားသည်။
ထိုင်းဘက်က စက်သုံးဆီများကို တရားဝင်ရောင်းချခြင်းဖြစ်သော်လည်း မြန်မာဘက်ရောက်ရှိသွားပါက တရားမ၀င်စက်သုံးဆီ များဖြစ်သွားကာ မြန်မာကုန်သည်များက အာဏာပိုင်အဆင့်ဆင့်နှင့် နားလည်မှုယူကာ လုပ်ကိုင်ကြရသည်ဟု မြန်မာ ကုန် သည် တဦးက ပြောသည်။
မလေးရှား စက်သုံးဆီများကို မြန်မာဘက်တင်သွင်းကြခြင်းမှာ လက်ရှိထိုင်းနိုင်ငံတွင် ရောင်းချနေသည့် စက်သုံးဆီ ဈေးနှုန်း ထက် အဆများစွာ သက်သာခြင်းကြောင့်ဖြစ်သည်ဟုလည်း ၎င်းက ဆိုသည်။
ထိုစက်သုံးဆီများကို ထိုင်းနိုင်ငံ မဲဆောက်မြို့ဘက်ရှိ အမှတ် ၁၀ လှေဆိပ်မှတဆင့် စက်လှေကြီးများဖြင့် မြန်မာနိုင်ငံ ဘက်သို့ တင်ပို့ကြခြင်းဖြစ်သည်။

 

မဟာမိတ် (၅)ပါတီ က နိုင်ငံရေးအကျဉ်းသားများလွှတ်ပေးရေး တောင်းဆို

အစိုးရက လွှတ်ပေးဖို့ ကျန်နေသေးတဲ့ ဦးခွန်ထွန်းဦး၊ ကိုမင်းကိုနိုင် စတဲ့ ထင်ရှားတဲ့ နိုင်ငံရေးအကျဉ်းသားတွေ ပြန်လွှတ်ပေးရေးအတွက် ညီနောင် တိုင်းရင်းသား ၅ ပါတီက လာမယ့်ရက်ပိုင်းအတွင်း ကြေညာချက်ထုတ်ပြန်ပြီး အစိုးရကို တိုက်တွန်းသွား မယ်လို့ သိရပါတယ်။
Nationalties Brotherhood Forum ခေါ် ညီနောင်တိုင်းရင်းသား မဟာမိတ် (၅) ပါတီ အစည်းအဝေးကို အောက်တိုဘာလ ၁၅ ရက်နေ့ ရန်ကုန်မြို့မှာ ကျင်းပခဲ့ရာမှာ ဒီကိစ္စကို ဆွေးနွေးခဲ့ကြကြောင်း အစည်းအဝေး တက်ရောက်ခဲ့သူ တဦးဖြစ်တဲ့ ရခိုင်တိုင်းရင်းသားများ တိုးတက်ရေး ပါတီ RNDP ဥက္ကဋ္ဌ ဒေါက်တာအေးမောင်က RFA ကို ပြောပါတယ်။

နိုင်ငံရေးအကျဉ်းသား အားလုံးကို ပြန်လွှတ်ပေးဖို့နဲ့ တိုင်းရင်းသား ဒေသတွေမှာ အပစ်ရပ် ငြိမ်းချမ်းရေး ဆွေးနွေးဖို့ မဟာမိတ် (၅) ပါတီအနေနဲ့ အရင်က တောင်းဆိုခဲ့ပေမယ့် အစိုးရဘက်က အပြည့်အဝ အကောင်အထည် ဖော်ပေးတာ မရှိသေးဘူးလို့ ဆိုပါတယ်။

ဒီအကြောင်းတွေနဲ့ ပတ်သက်လို့ RNDP ဥက္ကဋ္ဌ ဒေါက်တာအေးမောင်ကို RFA က ကိုဉာဏ်ဝင်းအောင်က ဆက်သွယ် မေးမြန်းထားပါတယ်။

သမိုင်းအစဉ်အလာ ကြီးမားပြီး သက်တမ်းနှစ်ပေါင်း ၁၂၁ နှစ် ရှိပြီဖြစ်သော ၀န်ကြီးများရုံး (အတွင်းဝန်ရုံး)အား စီးပွားရေးလုပ်ငန်းများအတွက် ပုဂ္ဂလိကသို့ ငှားရမ်းလုပ်ကိုင်ခွင့် ပြုမည်ဟုသိရ

ရန်ကုန်မြို့ သိမ်ဖြူလမ်းရှိ ၀န်ကြီးများရုံး(အတွင်းဝန်ရုံး)ကို ပါလီမန်ခေတ်က တွေ့ရစဉ်
မြန်မာနိုင်ငံ သမိုင်းကြောင်းတွင် သမိုင်းအစဉ်အလာ၊ သမိုင်းကြောင်း ကြီးမားခဲ့သော ရန်ကုန်မြို့ သိမ်ဖြူလမ်းရှိ ၀န်ကြီးများရုံး (အတွင်းဝန်ရုံး)အား ပုဂ္ဂလိကသို့ စီးပွားရေးဆိုင်ရာလုပ်ငန်း လုပ်ကိုင် နိုင်ရန် ငှားရမ်း လုပ်ကိုင်ခွင့်ပြုမည် ဖြစ်ကြောင်း အာဆီယံ-ဂျပန် စီးပွားရေးလုပ်ငန်းဆိုင်ရာ ဆွေးနွေးပွဲဥက္ကဋ္ဌ နှင့် မြန်မာ့ခရီးသွား လုပ်ငန်းဘုတ် အဖွဲ့၏ဥက္ကဋ္ဌဖြစ်သူ ဒေါက်တာခင်ရွှေ မှ အောက်တိုဘာလ ၁၃ ရက်နေ့က ပြောကြားခဲ့သည်။
ဝန်ကြီးများရုံး (အတွင်းဝန်ရုံး) အား မည်သူမဆိုငှားရမ်းကာ စီးပွားရေးဆိုင်ရာလုပ်ငန်းများ လုပ်ကိုင်နိုင်ကြောင်း၊ လုပ်ကိုင်မည့် အဖွဲ့ များအနေဖြင့် မြန်မာ့ခရီးသွားလုပ်ငန်း ဘုတ်အဖွဲ့(Myanmar Tourism Board)နှင့် လာရောက် ဆွေးနွေးနိုင်ပြီး အဆိုပါဘုတ်အဖွဲ့မှတစ်ဆင့် တင်ပြပေးသွားမည်ဖြစ်ကြောင်း သိရသည်။
ယင်းအပြင် ရန်ကုန်၊ အလံပြ ဘုရားလမ်းရှိ စစ်ရုံးချုပ်ကိုလည်း ဟိုတယ်လုပ်ငန်း လုပ်ကိုင်ရန် စီစဉ် ထားကြောင်း၊ မြန်မာနိုင်ငံသို့ နိုင်ငံခြား ခရီးသွားဧည့်သည်များ လာရောက်မှုများပြားမည်ဟု ခန့်မှန်းထားပြီး ပြည်ပခရီးသွားများ လာရောက်မည့် ပမာဏအတွက် လုံလောက်သည့် ဟိုတယ်၊ ရုံးခန်းများ မရှိသည့် အတွက်လည်း ယခုကဲ့သို့လုပ်ကိုင်ရန် စီစဉ်ဆောင်ရွက်ခြင်းဖြစ်သည် ဟုလည်း သိရသည်။

ဒီလိုပဲ အထင်ကရသမိုင်းတွေ နောင်လာနောက်သား သိသင့်တဲ့ သမိုင်းတွေနဲ့ ပြည့်နေတဲ့ အဆောက်အအုံကြီးကိုတော့ ဘယ်လို စည်းကမ်းချက်နဲ့ပဲ ဖြစ်ဖြစ် ငှားရမ်းလုပ်ကိုင်ဖို့ လုံးဝမသင့်ပါဘူး။

“ပန်းဆိုးတန်းနားမှာရှိတဲ့ ၀န်ကြီးများရုံးကို ငှားမယ်။ ငှားတဲ့အခါမှာ ၀န်ကြီးများရုံးမှာရှိတဲ့ ရှေးဟောင်းတွေကို လုံးဝပြုပြင်လို့ ထိလို့မရဘူး။ အထဲမှာတော့ ပြင်ဆင် လုပ်ကိုင်နိုင်တယ်။ ငှားပြီးလုပ်မယ့်သူတွေ MTB ကိုဆက်သွယ်လို့ရတယ်။ MTB နဲ့ အသေးစိတ်အချက်တွေ လာဆွေးနွေး နိုင်ပါတယ်။ အဖွဲ့ကတစ်ဆင့် တင်ပြပေးမယ်။ အာဆီယံ-ဂျပန် ဆွေးနွေးပွဲမှာလလည်း ဂျပန်လုပ်ငန်းရှင်တွေကို ရင်းနှီးမြှုပ်နှံမှုအတွက် ဖိတ် ခေါ်မယ်၊ အဲဒီအခါမှာ စက်မှုလုပ်ငန်း ကဏ္ဍတင်မကပဲ ဟိုတယ်နဲ့ခရီးသွား လုပ်ငန်းအတွက်ပါ မြန်မာနိုင်ငံမှာ လာရောက်လုပ်ကိုင်ဖို့ ဖိတ်ခေါ်သွားမှာပါ။ မြန်မာနိုင်ငံအနေနဲ့ နိုင်ငံခြား ခရီးသွားတွေ အခုထက်ပိုဝင်လာမယ့် အနေအထားရှိသလို ၀င်လာရင် လည်း ဟိုတယ်၊ ရုံးခန်းတွေ အများ ကြီးလိုမှာဖြစ်တဲ့အတွက် ဖိတ်ခေါ်သွားမှာပါ။ ရန်ကုန်က စစ်ရုံးချုပ်ကိုလည်း ကျယ်ဝန်းတဲ့အတွက် ဟိုတယ် လုပ်ငန်း လုပ်ကိုင်ဖို့ စီစဉ်ထားတယ်” ဟု ဒေါက်တာခင်ရွှေက အောက်တိုဘာလ ၁၃ ရက်နေ့က ပြောကြား ခဲ့သည်။
စစ်ရုံးချုပ်အား ဟိုတယ်လုပ်ငန်းအဖြစ် လုပ်ကိုင်ခြင်းမှာ အကျိုး ရှိနိုင်သော်လည်း သမိုင်းအစဉ်အလာ ကြီးမားပြီး နောင်လာနောင်သားများအတွက် အမှတ်တရထား ရှိသင့်သည့် ၀န်ကြီးများရုံးကိုမူ ပြတိုက် အဖြစ်ဖြင့်သာ ထိန်းသိမ်းထားရှိသင့်ကြောင်း၊ စီးပွားရေး အလို့ငှာ အသုံးပြုမှုအတွက်မူ စဉ်းစားချင့်ချိန်သင့်ကြောင်း သုံးသပ်ကြပါသည်။