မိုးႀကိဳးသတင္းစဥ္ (အမွတ္ ၁၁၉၊ စက္တင္ဘာလ၊ ၂၀၁၁ ခုႏွစ္)

MOJO-119

အစိုးရထိုးစစ္ေၾကာင့္ ထြက္ေျပးသူဒုကၡသည္ေတြ တိုးလာေန

2011-10-02

ကခ်င္ျပည္နယ္နဲ႔ ရွမ္းျပည္နယ္မွာ KIO နဲ႔ အစိုးရတပ္ေတြၾကား ျဖစ္ပြားတဲ့ တိုက္ပြဲေတြေၾကာင့္ ရွမ္းျပည္နယ္ အတြင္း ေဘးလြတ္ရာ ထြက္ေျပးရသူ ေဒသခံ ၁ ေထာင္ေလာက္ ရွိသြားၿပီလို႔ သိရပါတယ္။

ကခ်င္ျပည္နယ္အတြင္း ျဖစ္ပြားေနသည့္ တိုက္ပြဲမ်ားေၾကာင့္ ၂ဝ၁၁ ခုႏွစ္ ဇြန္လအတြင္း တရုတ္-ျမန္မာနယ္စပ္ လုိင္ဇာၿမိဳ႕ကုိ ဝင္ေရာက္ ခုိလံႈလာေသာ ျမန္မာႏုိင္ငံသား တခ်ဳိ႕ကုိ ေတြ႔ရပုံ။

အစိုးရတပ္ေတြက လက္နက္ႀကီးေတြ အဆက္မျပတ္ ပစ္ခတ္ၿပိီး တက္လာတဲ့အတြက္ ရြာေတြကို လက္နက္ႀကီး ထိမွန္မွာ စိုးရိမ္တာေၾကာင့္ ထြက္ေျပးရတာျဖစ္ၿပီး အမ်ားစုဟာ ေတာေတာင္ေတြထဲမွာ ပုန္းေအာင္းေနရတယ္လို႔ ဆိုပါတယ္။
KIA တပ္မဟာ (၄) တပ္မွဴး ဗိုလ္မွဴးႀကီးေဇာ္ေရာ္က အခုလို ေျပာပါတယ္။ “မံုးေပၚမွာ ဒုကၡသည္ တေထာင္ေက်ာ္ေလာက္ ေရာက္ေနတယ္။ ၿပီးရင္ တဖြဲဖြဲပဲ။ မံုးေပၚက တဆင့္ မူဆယ္ ၁ဝ၅ မိုင္၊ ၾကဴကုတ္ပန္ဆိုင္းဘက္မွာ။ နယ္စပ္တေၾကာ တဖြဲဖြဲ ဝင္တုန္းပဲ။ အမ်ားအားျဖင့္ တပ္မဟာ (၄) တပ္ရင္း (၉)၊ တပ္ရင္း (၂) ေဒသေတြကပါ။ မံုးေပၚက ေနရာက်ယ္ျပန္႔ေတာ့ ရြာေတြျပန္႔ၾကဲၿပီး ခိုေအာင္းေနၾကတာ ေတာ္ေတာ္မ်ားတယ္။ လမ္းေပၚမွာေရာက္ေနတာ မ်ားေနတုန္းပဲ။ စုလိုက္ရင္ တေထာင္ေက်ာ္ေလာက္ ရွိေနတယ္။ တစုတစည္းတည္း အျမန္ဆံုး နယ္စပ္ကို ေရာက္လာေအာင္ဆိုတဲ့ ဆႏၵလည္းပါမယ္”

ဒုကၡသည္ေတြကို KIO က သြားေရးလာေရး ကိစၥေတြ အကူအညီ ေပးေနကတယ္လို႔လည္း ဆိုပါတယ္။ အစိုးရတပ္ ထိန္းခ်ဳပ္တဲ့ ရြာေတြက ထြက္ေျပးသူေတြကို သူပုန္အျဖစ္ သတ္မွတ္မယ္လို႔ ၿခိမ္းေျခာက္ထားေၾကာင္း ေဒသခံေတြကတဆင့္ သိရတယ္လို႔ KIO က ေျပာပါတယ္။

ကခ်င္ျပည္နယ္အတြင္း KIO နဲ႔ အစိုးရတပ္ေတြ တိုက္ပြဲ စျဖစ္ပြားခဲ့တဲ့ ဇြန္လ ၉ ရက္ေန႔ ေနာက္ပိုင္း နယ္စပ္ကို ထြက္ေျပးလာတဲ့ ဒုကၡသည္ အေျမာက္အျမား ရွိသလို ေလာေလာဆယ္ ႀကိဳးၾကားႀကိိဳးၾကား တုိက္ပြဲ ျပန္ျဖစ္ေနတာေၾကာင့္ ေန႔စဥ္ KIO ဌာနခ်ဳပ္ လိုင္ဇာၿမိဳ႕ကို ဝင္ေရာက္လာသူေတြ ရွိေနတယ္လို႔ သိရပါတယ္။
လိုင္ဇာအေျခစိုက္ ဒုကၡသည္အေရး ကူညီေဆာင္ရြက္ေပးေနတဲ့ ကိုလာရစ္က အခုလို ေျပာပါတယ္။

“မေန႔က ၁ ရာေက်ာ္ ထပ္ေရာက္လာတယ္။ အနီးတဝိုက္ နမ့္ဆန္ယန္၊ နားလံု၊ လြယ္ေမာက္ယန္၊ တံုဟုန္း ေနာက္ ငွက္ေပ်ာျခံ ရွိတဲ့ဘက္ အခုစစ္ပြဲရွိေနတဲ့ ေနရာေတြမွာ။ ေရာက္ေရာက္ခ်င္းေတာ့ လိုင္ဇာမွာရွိတဲ့ ဒုကၡသည္ ယာယီစခန္းေတြမွာ ရွိတဲ့ဟာေတြနဲ႔ သြင္း ထည့္ၿပီးမွ အဲဒီမွာ ေနၾကတာေပါ့။ မိုင္ဂ်ာယန္ဘက္မွာ ထပ္ထိုးလာတာ ရွိတယ္။ တခ်ိဳ႕ေတြက ရွမ္းျပည္နယ္က ေရာက္လာတာေတြ ရွိတယ္။ ထူးျခားတာက တခ်ိဳ႕က KIO ထိန္းခ်ဳပ္နယ္ေျမထဲကို ေရာက္လာတာရွိတယ္၊ တခ်ိဳ႕ေတြက တရုတ္ျပည္ဘက္ကမ္းကို ျဖစ္သလို ကူးသြားတာေတြ ရွိတယ္”

ေလာေလာဆယ္ လိုင္ဇာၿမိဳ႕မွာ ဒုကၡသည္္ ၂ ေသာင္းေလာက္ ရွိေနၿပီး တရုတ္-ျမန္မာနယ္စပ္ မိုင္ဂ်ာယန္မွာ ၅ ေထာင္ေက်ာ္ ရွိေနတယ္လို႔ သိရပါတယ္။

ထိုင္း၀န္ႀကီးခ်ဳပ္ Twitter အေကာင့္ကို ၀င္ေရာက္ ေႏွာင့္ယွက္

 02,10,2011 တနဂၤေႏြေန႔
မၾကာခင္က ေရြးေကာက္ တင္ေျမႇာက္ခံလုိက္ရတဲ့ ထုိင္း၀န္ႀကီးခ်ဳပ္ ယင္းလပ္ရွီန၀ဒ္ (Yingluck Shinawatra) ရဲ႕ တီြတာ (Twitter) အေကာင့္ထဲကုိ ဟက္ကာ (Hacker) လုိ႔ေခၚတဲ့ ထုိးေဖာက္ ၀င္ေရာက္ ေႏွာက္ယွက္သူေတြက ေဖာက္ထြင္း ၀င္ေရာက္ၿပီး သူ႔အစုိးရသစ္အေနနဲ႔ လုပ္ႏုိင္ကုိင္စြမ္းမရွိဘူး၊ နီးစပ္ရာ ေဆြမ်ဳိးသားခ်င္း ေကာင္းစားေရး မူ၀ါဒကုိပဲ ခ်မွတ္ က်င့္သုံးေနတယ္လုိ႔ စြပ္စြဲ ေျပာဆုိထားပါတယ္။
မၾကာခင္ကာလအတြင္း ထုိင္းႏုိင္ငံမွာျဖစ္သြားခဲ့တဲ့ မုိးသည္း ေရႀကီးမႈေတြကုိ ယင္းလပ္အစုိးရက တုံ႔ျပန္ကိုင္တြယ္ခဲ့ပုံနဲ႔ အစုိးရသစ္က ခ်မွတ္လုိက္တဲ့ တျခား  အေရးပါတဲ့ အစုိးရေပၚလစီေတြအေပၚ အမည္မေဖာ္လုိတဲ့ အဲဒီဟက္ကာက ၈ ႀကိမ္တုိင္တုိင္ ေ၀ဖန္ ေရးသားထားတယ္လို႔ ဆုိပါတယ္။
ေနာက္ဆုံး ေရးထားတဲ့အထဲမွာေတာ့ ၀န္ႀကီးခ်ဳပ္ ယင္းလပ္အေနနဲ႔ သူမရဲ႕ တြီတာ အေကာင့္ကုိ တျခားလူေတြ ၀င္ေရာက္ ေႏွာက္ယွက္တာကုိ မကာကြယ္ႏုိင္ရင္ တုိင္းျပည္ကုိ ဘယ္လို ကာကြယ္ႏုိင္ပါ့မလားဆုိတာ စဥ္းစားၾကည့္ၾကပါဆုိၿပီး အဆုံးသတ္ထားပါတယ္။
အခုလုိ ၀န္ႀကီးခ်ဳပ္ရဲ႕ တီြတာ အေကာင့္ကို ထုိးေဖာက္ ေႏွာက္ယွက္ခံရတဲ့အေပၚ ထုိင္းအစုိးရ သတင္းနဲ႔ ျပန္ၾကားေရး ၀န္ႀကီးဌာနက လုိအပ္တဲ့ စုံစမ္း စစ္ေဆးမႈေတြ လုပ္ေဆာင္ေနတယ္လုိ႔ ထုိင္းအာဏာပုိင္ေတြက ေျပာပါတယ္။

လကၡဏာ

ကာတြန္းေရႊလူ ရဲ႕ ကေလာင္ ဖန္တီးမႈ

ျမန္မာကို မူဝါဒ ႏွစ္မ်ိဳးနဲ႔ ဆက္ဆံသြားမယ္လို႔ အေမရိကန္ေျပာ

 

2011-10-01

စက္တင္ဘာလ ၂၉ ရက္ေန႔က ျမန္မာႏိုင္ငံဆိုင္ရာ အေမရိကန္ အထူးကိုယ္စားလွယ္ သံအမတ္ႀကီး ဒဲရစ္ခ္ မစ္ခ်ဲလ္နဲ႔ ျမန္မာ ႏိုင္ငံျခားေရး ဝန္ႀကီး ဦးဝဏၰေမာင္လြင္တို႔ ဝါရွင္တန္ၿမိဳ႕ေတာ္မွာ ေတြ႔ဆံုတာနဲ႔ ပတ္သက္လို႔ အေမရိကန္ ႏိုင္ငံျခားေရး ဝန္ႀကီးဌာနက သတင္းထုတ္ျပန္လိုက္ပါတယ္။

အေမရိကန္ အစိုးရရဲ့ ျမန္မာႏုိင္ငံ ဆိုင္ရာ အထူးကိုယ္စားလွယ္နဲ႔ မူ၀ါဒ ညွိႏႈိင္းေရးမွဴး မစၥတာ ဒဲရက္ မစ္ခ်ယ္လ္ရဲ႕ ၅ ရက္ၾကာ ျမန္မာႏိုင္ငံ ခရီးစဥ္အျပီး ရန္ကုန္ေလဆိပ္မွာ စက္တင္ဘာလ ၁၄ ရက္ေန႔က သတင္းစာရွင္းလင္းပြဲ ျပဳလုပ္ခဲ့ရာ ဒီမိုကေရစီေရး၊ လူ႔အခြင့္ေရးနဲ႔ အမ်ိဳးသား ျပန္လည္ သင့္ျမတ္ေရး က႑ေတြမွာ တိုးတက္မႈရွိဖို႔ ကိစၥဟာ အေမရိကန္ ျမန္မာ ၂ ႏုိင္ငံ ဆက္ဆံေရးမွာ မျဖစ္မေန အေရးၾကီးေၾကာင္း ေျပာၾကားသြားသည္။

အဲဒီေဆြးေႏြးပဲြမွာ ျမန္မာႏိုင္ငံက လူ႔အခြင့္အေရးနဲ႔ ႏိုင္ငံေရး အက်ဥ္းသားကိစၥ၊ ဒီမိုကေရစီနဲ႔ အမ်ိဳးသား ရင္ၾကားေစ့ေရးကိစၥ အပါအဝင္ ႏ်ဴကလီးယားလက္နက္ မျပန္႔ပြားေရး၊ စတာေတြကို ႏွစ္ဘက္စလံုးက ပြင့္ပြင့္လင္းလင္း ေဆြးေႏြးခဲ့ၾကတယ္လို႔ ဆိုပါတယ္။

ျမန္မာႏိုင္ငံအေပၚ ထားရွိမယ့္ အေမရိကန္ရဲ႕ မူဝါဒနဲ႔ ပတ္သက္လို႔ အေမရိကန္ျပည္ေထာင္စုက ခ်မွတ္ က်င့္သံုးေနတဲ့ မူဝါဒ ႏွစ္မ်ိဳးစလံုး အတိုင္း ဆက္လက္က်င့္သံုးသြားမယ့္အေၾကာင္း၊ အနီးကပ္ ဆက္ဆံေရး မူဝါဒနဲ႔ အတူ ပိတ္ဆို႔ အေရးယူမႈကိုလည္း ဆက္ၿပီး ကိုင္စဲြထားမယ့္အေၾကာင္း အမည္မေဖာ္လိုတဲ့ အေမရိကန္ ႏိုင္ငံျခားေရးဌာန အရာရွိတဦးက ေျပာပါတယ္။

ဒီေဆြးေႏြးပဲြမွာ သံအမတ္ႀကီး ဒဲရစ္ခ္မစ္ခ်ဲလ္ နဲ႔အတူ အာရွနဲ႔ ပစိဖိတ္ဆိုင္ရာ အေမရိကန္ လက္ေထာက္ ႏိုင္ငံျခားေရးဝန္ႀကီး ကဒ္ကမ္ဘယ္လ္ (Kurt Campbell) နဲ႔ ဒီမိုကေရစီ၊ လူ႔အခြင့္အေရးနဲ႔ လက္ေထာက္ အလုပ္သမားေရးရာ ဝန္ႀကီး Michael Posner တို႔လည္း တက္ေရာက္ခဲ့ပါတယ္။

ျမန္မာ့အေရးနဲ႔ ပတ္သက္လို႔ ႏိုင္ငံျခားေရးဝန္ႀကီး ဦးဝဏၰေမာင္လြင္ အေနနဲ႔ ဝါရွင္တန္ဒီစီကို ပထမဆံုးအႀကိမ္ လာေရာက္ေဆြးေႏြးတာ ျဖစ္ပါတယ္။ အရင္စစ္အစိုးရ ႏိုင္ငံျခားေရး ဝန္ႀကီးေဟာင္း ဦးဥာဏ္ဝင္းကို ဝါရွင္တန္ဒီစီၿမိဳ႕ေတာ္ကို ၂ဝဝ၉ ခုႏွစ္က လာေရာက္ လည္ပတ္ခြင့္ျပဳခဲ့ပါတယ္။

ျမန္မာႏိုင္ငံအေပၚ ပစ္မွတ္ထား ပိတ္ဆို႔အေရးယူမႈ ဥပေဒအရ စစ္ဗိုလ္ခ်ဳပ္ေတြနဲ႔ စီးပြားေရး လုပ္ငန္းရွင္တခ်ိဳ႕ကို အေမရိကန္ႏိုင္ငံ ဝင္ခြင့္ဗီဇာ ပိတ္ပင္ထားပါတယ္။

UWSA နဲ့ အစိုးရ ကိုယ္စားလွယ္တို႔ေတြ႔ဆံုေဆြးေႏြးခဲ့

အစိုးရ စစ်တပ်နဲ့ UWSA တပ်ဖွဲ့အကြား အပစ်အခတ် ရပ်စဲမှုမျိုး ပြန်ရဖို့ ကြိုးပမ်းနေ

UWSA ဝပြည် သွေးစည်း ညီညွတ်ရေး တပ်မတော်နဲ့ မြန်မာ အစိုးရ ကိုယ်စားလှယ် တွေ စနေနေ့က လားရှိုးမြို့မှာ ဒုတိယ အကြိမ် တွေ့ဆုံ ဆွေးနွေးခဲ့ကြပါတယ်။

ဆွေးနွေးပွဲ အကြောင်း အသေးစိတ်ကို ခုချိန်ထိ ထုတ်ဖေါ် ပြောဆိုမှု မရှိသေးပါဘူး။
ဒါပေမဲ့ စက်တင်ဘာ ၆ရက်နေ့ ပထမအကြိမ် တွေ့ဆုံ ဆွေးနွေးခဲ့စဉ်တုန်းက နှစ်ဖက် သဘောတူခဲ့တဲ့ အချက် ၄ချက်အကြောင်း အသေးစိတ် ပြန်ဆွေးနွေးခဲ့ကြပုံ ရတယ်လို့ တရုတ်မြန်မာ နယ်စပ်က စစ်ရေး အကဲခတ် ဦးအောင်ကျော်ဇောက ပြောပါတယ်။
နှစ်ဖက်အကြား အပစ်အခတ် ရပ်စဲထားမှုကို ဆက်လက် ထိန်းသိမ်းထားရေး၊ ပိုင်နက် နယ်မြေ တခုနဲ့ တခု ဖြတ်သန်း သွားလာတဲ့အခါ အသိပေး အကြောင်းကြားရေး၊ အပြန်အလှန် ဆက်ဆံရေး ရုံးတွေ ပြန်ဖွင့်ရေးနဲ့ နယ်စပ် ဖွံ့ဖြိုးရေးအတွက် မူလထားရှိခဲ့တဲ့ ကျန်းမာရေး၊ ပညာရေး၊လယ်ယာ စိုက်ပျိုးရေး ဝန်ထမ်းတွေ ပြန်လည် ခန့်ထားရေး စတဲ့ အချက်တွေကို ပထမအကြိမ် နှစ်ဖက် တွေ့ဆုံစဉ်တုန်းက သဘောတူ လက်မှတ် ရေးထိုးခဲ့ကြ ပါတယ်။
ဒါပေမဲ့ ဒီသဘောတူချက်တွေဟာ ရေရှည် ငြိမ်းချမ်းရေးကို ဖော်ဆောင်နိုင်မဲ့ သဘောတူချက် မျိုးတွေ မဟုတ်ဘူးလို့ ဦးအောင်ကျော်ဇောက သုံးသပ်ပါတယ်။
တိုင်းရင်းသား ပြဿနာ အရေး ဖြေရှင်းနေတယ်လို့ အစိုးရက ပြောနေပေမဲ့ လက်တွေ့မှာ ကချင်၊ ရှမ်း စတဲ့ တိုင်းရင်းသား လက်နက်ကိုင် တပ်ဖွဲ့တွေကို ဖိနှိပ် စစ်ဆင်နေပြီး နိုင်ငံရေး အရ သိပ်အရေးမပါတဲ့ ဝပြည်သွေးစည်း ညီညွတ်ရေး တပ်မတော်လို တပ်ဖွဲ့တွေကိုတော့ မြှောက်ပေးနေတဲ့ ပေါ်လစီကို ကျင့်သုံးနေတာ တွေ့ရတယ်လို့လည်း ဦးအောင်ကျော်ဇောက ဝေဖန် ပြောဆိုသွားပါတယ်။