လူရွှင်တော် ဇာဂနာ လွတ်ပြီလို့ ကြားရ

2011-09-29 နိုင်ငံရေးအကျဉ်းသား လူရွှင်တော် ကိုဇာဂနာကို အစိုးရက လွှတ်ပေးလိုက်ပြီလို့ RFA က စုံစမ်း သိရှိရပါတယ်။ တခြား နိုင်ငံရေး အကျဉ်းသားတွေ ပါဝင်ခြင်း ရှိမရှိတော့ မသိရသေးပါဖူး။

Photo: thisprisonwhereilive.co.uk

ဟာသသရုပ်ဆောင်နှင့် ဒါရိုက်တာ ဇာဂနာ ခေါ် ကိုသူရ။ (Photo: thisprisonwhereilive.co.uk)

သူ့ကို မြစ်ကြီးနားထောင် ကနေ ဒီကနေ့ မန္တလေးကို ခေါ်လာပြီး မနက်ဖန် မနက် လေယဉ်ပျံနဲ့ ရန်ကုန်လေဆိပ်ကို ရောက်ရှိမှာ ဖြစ်ပါတယ်။ ဒီသတင်းကို နေပြည်တော် အသိုင်းအ၀န်းက ရရှိတာ ဖြစ်ပြီး မိသားစုတွေကို ကြိုတင် အသိပေးထားခြင်း မရှိပဲ နေအိမ်ကို ထောက်လှမ်းရေးအဖွဲ့က လိုက်လံ ပို့ဆောင်မယ်လို့လည်း သိရပါတယ်။ ဒါပေမယ့် ဒီသတင်းကို သူတို့ဘာမှ မသိကြောင်း ဒီကနေ့လည်ပိုင်းထိတော့ ကိုဇာဂနာ မြစ်ကြီးနားထောင်ထဲမှာ ရှိနေသေးကြောင်း ကြားရတယ်လို့ ခယ်မဖြစ်သူ မငြိမ်းကပြောပါတယ်။ ဒီနေ့ ထင်ရှားတဲ့ နိုင်ငံရေး အကျဉ်းသားတွေ ပြန်လွတ်လာတယ် ဆိုတဲ့ သတင်းတွေ ထွက်ပေါ်ခဲ့ပါတယ်။ ဒါကြောင့် လူရွှင်တော် ကိုဇာဂနာနဲ့ ကျောင်းသား ခေါင်းဆောင် ကိုမင်းကိုနိုင်တို့ ပြန်လွတ်လာသလား ဆိုပြီး သတင်း မီဒီယာတွေက မိသားစုတွေကို ဆက်သွယ်မေးမြန်း နေကြတယ်လို့ သိရပါတယ်။ ကိုမင်းကိုနိုင်ကို မိသားစုတွေ သွားမတွေ့နိုင်တာ ၃ လလောက် ရှိနေပြီး လာမယ့် အောက်တိုဘာလ ၁၈ ရက်မှာ ကျရောက်မယ့် ကိုမင်းကိုနိုင် မွေးနေ့ မတိုင်ခင်တော့ သွားတွေ့ဖို့ ရည်ရွယ်ထားတယ်လို့ ကိုမင်းကိုနိုင်ရဲ့ အမဖြစ်သူ ဒေါ်ကြည်ကြည်ညွန့်ကပြောပါတယ်။ သမ္မတ ဦးသိန်းစိန်နဲ့ ဒေါ်အောင်ဆန်းစုကြည်တို့ တွေ့ဆုံပွဲနဲ့ အလုပ်သမားဝန်ကြီး ဦးအောင်ကြည်တို့ တွေ့ဆုံပွဲတွေမှာ ဒေါ်အောင်ဆန်းစုကြည်က နိုင်ငံရေး အကျဉ်းသားတွေ လွှတ်ပေးဖို့ ပြောဆိုဆွေးနွေး တယ်ဆိုတဲ့ သတင်းတွေ ထွက်ပေါ်ခဲ့ သလို၊ ဦးသိန်းစိန် အစိုးရရဲ့ နိုင်ငံခြားရေးဝန်ကြီး ဦးဝဏ္ဏမောင်လွင် ကလည်း နိုင်ငံတော် သမ္မတ အနေနဲ့ အခြေခံ ဥပဒေပါ လုပ်ပိုင်ခွင့်နဲ့အညီ သင့်တော်တဲ့ အချိန်မှာ အကျဉ်းသားတွေကို လွတ်ငြိမ်း ချမ်းသာခွင့်ပေးဖို့ ရှိနေတယ်လို့ ကုလသမဂ္ဂ အထွေထွေညီလာခံမှာ ပြောတဲ့ မိန့်ခွန်းမှာ ထည့်သွင်း ပြောဆိုခဲ့ပါတယ်။ ဒီရက်ပိုင်းအတွင်း နိုင်ငံရေး အကျဉ်းသား (၂၀၀) ကျော် ပြန်လွတ်လာမယ်ဆိုတဲ့ သတင်းတွေ ထွက်ပေါ်နေစဉ်မှာ အခုလို ကိုဇာဂနာကို အစိုးရက လွှတ်ပေးလိုက်ပြီလို့ ကြားရခြင်းပါပဲ။ ဒီသတင်းကို နေပြည်တော် အသိုင်းအ၀န်းက ရရှိတာ ဖြစ်ပေမယ့် တခြား သတင်းဌာနတွေရဲ့ အတည်ပြုချက်တော့ မရသေးပါဘူး။

“ပြည်သူ့အသံ ... လွှတ်တော်အသံ”

ကာတွန်းနေမျိုးအေး

ပြည်တော်မပြန်သေးတဲ့ 88ကျောင်းသား

ပစ်ခတ်မှုကြား ရွာသားနှစ်ဦး သေဆုံး

ကွန်းချမ်း | ဗုဒ္ဓဟူးနေ့၊ စက်တင်ဘာလ ၂၈ ရက် ၂၀၁၁ ခုနှစ် ၁၈ နာရီ ၀၁ မိနစ်

ချင်းမိုင် (မဇ္ဈိမ) ။       ။ ရွာတွင်းဝင်လာသည့် လက်နက်ကိုင် အဖွဲ့တဖွဲ့ကို အစိုးရစစ်တပ်မှ ပစ်ခတ်ရာမှ ရွာသားနှစ်ဦး သေနတ်မှန်သေဆုံးသည့် ဖြစ်ရပ်တခု တနင်္သာရီတိုင်း
ရေဖြူမြို့နယ်၊ကလိန်အောင်မြို့နယ်ခွဲ လော့သိုင်းရွာ
တွင်တနင်္လာနေ့က ဖြစ်ပွားခဲ့သည်။

ပြောက်ကြား ဝတ်စုံဝတ် လက်နက်ကိုင် ၁ဝ ယောက်ခန့်ကို ကလိန်အောင်မြို့နယ်ခွဲ အခြေစိုက် ခမရ (၂၈၂) က လိုက်လံပစ်ခတ်ရာမှ အသက် ၅ဝ ကျော် အရပ်သား အမျိုးသားနှစ်ဦးကို  သေနတ်ထိမှန်  သေဆုံးသွားခြင်းဖြစ်သည်။

“စပစ်တဲ့အချိန်မှာ ကျနော်တို့ ဗီဒီယိုရုံမှာ ရှိနေတယ်။ သေနတ်သံလည်း ကြားရော တရုံလုံး ထပြေးကြတယ်။ ဘာဖြစ်တာလဲတောင် ကျနော်တို့ မသိလိုက်ဘူး။ အဲဒီမှာပဲ ရုံနားက လက်ဘက်ရည်ဆိုင်မှာ ထိုင်နေတဲ့ နိုင်ဝမ်းက
သေနတ်ထိပြီး ပွဲချင်းပြီး ဆုံးသွားတာပဲ” ဟု ရွာသားတဦးက ပြောသည်။

မည်သည့်အဖွဲ့ဟု ရှင်းရှင်းလင်းလင်း မသိရသော်လည်း ရွာသားများအဆိုအရ  ပြောက်ကြားဝတ်စုံဝတ် ၁ဝ ယောက် ခန့်သည် ဆက်ကြေးကောက်ရန် ရောက်ရှိလာခဲ့ခြင်းဖြစ်ပြီး အစိုးရတပ်နှင့် ထိပ်တိုက်တိုးကာ ပစ်ခတ်မှု ဖြစ်ခြင်းဟု ဆိုကြသည်။

သေဆုံးသူ နှစ် ဦး၏ ရုပ်အလောင်းကို တနင်္လာနေ့တွင် လော့သိုင်းရွာ သုဿာန်သို့ ပို့ဆောင်ကာ မြေမြှုပ်သဂြုင်္ိဟ် ခဲ့ကြသည်။ အဆိုပါ အခင်းဖြစ်ပွားပြီးနောက် ဗုဒ္ဓဟူးနေ့ထိ အထက်ပါတပ်ရင်းမှ ရွာသားများကို ရွာပြင်ထွက်ခွင့် ပိတ်ထားသည်။

မွန်ပြည်သစ်ပါတီ နိုင်ငံခြား ဆက်ဆံရေးဌာနမှ ဒုဗိုလ်မှူးကြီး ဉာဏ်ထွန်းက ထိုဒေသတွင် မွန်လက်နက်ကိုင် အဖွဲ့ငယ် သုံးဖွဲ့ လှုပ်ရှားလျက်ရှိကာ  မွန်တော်လှန်ရေးကို အကြောင်းပြကာ ပြည်သူများထံမှ ငွေကြေး ကောက်ခံခြင်း၊ ပြန်ပေး ဆွဲခြင်းများနှင့် ညှဉ်းပန်းနှိပ်စက်ခြင်းများ ပြုလေ့ရှိသည်ဟု မဇ္ဈိမကိုပြောသည်။

နွေရာသီရဲ့ ညနေခင်း

လှုပ်လှုပ်… လှုပ်လှုပ် နဲ့ လူတစ်စု

ခြုံနွယ်တွေကို အတင်းတိုးကာဝှေ့ကာ

ရှေ့သိုအလောတကြီး လျှောက်လှမ်းလာနေကျ

လက်ထဲတွင်လဲ လူသတ်လက်နက်တွေသာမက

ကိရိယာ အပြည့်အစုံတွေပါ ပါရှိခဲ့တယ်……

သူတို့နောက်တွင်လဲ အထုတ်အပိုးကိုယ်စီနဲ့လူတွေ

ယိုင်နဲ့နဲ့ နှင့် လျှောက်လှမ်းလာနေကျတယ်

ရှေ့ကလူတွေကတော့အိမ်ကြီးရှင်တွေအလား

ရယ်မောသံတွေကလဲ အောင်နိုင်ရစစ်သူကြီးတွေအလား

တောတစ်ခုလုံးလဲ ပွက်လောရိုက်နေခဲ့

ဝတ်ဆင်ထားတဲ့ အကျီင်္တွေကလဲ သွေးညီနံစို့စို့

သိုသော်လဲ အနံကိုဂရုမထား

သူတို့ရဲ့ ပျော်ရွှင်မှုအတွက် လူတွေရဲ့ အသက်အိုးအိမ်တွေကို

ဖျက်ဆီးရက်တဲ့သူတွေ

ညမှောင်ရီပျိုးချိန်ရောက်ပြန်တော့လဲ မီးပုံကြီးဘေးတွေ

အသားစုံနဲ့ အရက်ဝိုင်း

ပျော်ပျော်ရွှင်ရွှင် နဲ့ ခရစ်စမက်မီးပုံပွဲအလား……..

ခုနက အထုတ်အပိုးကိုယ်စီနဲ့ လူတွေပြန်တော့

အသားခြောက်တစ်ဖက်ကိုကိုင်ကာ

ထမင်းအနည်းငယ်နဲ့ ခေါင်းငုံကာ လွေးနေလေရဲ့…….

ဒီဖြစ်ရပ်တွေက နေရာစုံ တောတောင်စုံမှာရှိနိုင်သလို

နွေရာသီရဲ့ ညနေခင်းကိုများ

အလှဆင်နေသလော…..

                                            တက်လူ(19.9.2011)

ငြိမ်းချမ်းရေးရှိဖို့

ပါတီမှတ်ပုံတင်ရေး NLD စောင့်ဆိုင်း

ပါတီမှတ်ပုံတင်ရေး NLD စောင့်ဆိုင်း

သတင်း - ဗွီအိုအေ (၂၈-၉-၂၀၁၁)

မြန်မာ့နိုင်ငံရေးလုပ်ငန်းစဉ်တွေမှာ အားလုံးပါဝင်ခွင့်ရစေဖို့ နိုင်ငံတကာအသိုင်းအ၀န်းကလိုလားနေတဲ့ တချိန် တည်းမှာပဲ မြန်မာနိုင်ငံမှာ အဓိက နိုင်ငံရေးအင်အားစုဖြစ်တဲ့ အမျိုးသားဒီမိုကရေစီအဖွဲ့ချုပ် (NLD) ပါတီ အ နေနဲ့ တရားဝင် မှတ်ပုံတင်နိုင်ရေးကို မျှော်လင့်နေပါတယ်။ အစိုးရသစ် တက်လာချိန်ကစလို့ အပြောင်းအလဲ တွေလုပ်သွားမယ်လို့ ကတိပေးထားတဲ့အတိုင်း အစိုးရသစ် အကောင်အထည်ဖော်တဲ့နေရာမှာ တချိန်က ရွေး ကောက်ပွဲမှာ အနိုင်ရခဲ့တဲ့ NLD လို ဒီမိုကရေစီလိုလားတဲ့ နိုင်ငံရေးအင်အားစုတွေကို ဘေးဖယ်မထားဖို့ ကုလ သမဂ္ဂ အပါအ၀င် နိုင်ငံတကာအသိုင်းအ၀ိုင်းကလည်း လိုလားနေကြတာပါ။ အပြည့်အစုံကို ဆက်သွယ်စုံစမ်း ထားတဲ့ ကိုအောင်လွင်ဦးက တင်ပြပေးထားပါတယ်။

မြန်မာနိုင်ငံမှာ အစိုးရသစ်တရပ်အဖြစ် ထွက်ပေါ်လာတဲ့ ရွေးကောက်ပွဲမှာ မှတ်ပုံတင် ပါဝင်တာတွေ မလုပ်ဖို့ အမျိုးသားဒီမိုကရေစီအဖွဲ့ချုပ် (NLD) ပါတီက ဆုံးဖြတ်ထားပေမယ့် တိုင်းပြည်မှာ ပြန်လည်သင့်မြတ်ရေးအ တွက် နိုင်ငံရေးပါတီတခုအဖြစ် တရားဝင် အသိအမှတ်ပြု လက်ခံဖို့ လိုမယ်လို့ နိုင်ငံတကာအသိုင်းအ၀န်းက မြင်ပါတယ်။ ဗြိတိန်နိုင်ငံရဲ့ ကုလသမဂ္ဂဆိုင်ရာ သံအမတ်ကြီး မာ့ခ်ဂရန့်တ် (Mark Grant) က ဆိုရင်လည်း နိုင်ငံရေးပါတီတခုအဖြစ် အစိုးရက အသိအမှတ်ပြုမထားတဲ့ NLD ပါတီကို မှတ်ပုံတင်ခွင့် ပေးတာလို အစိုးရ ဘက်က ဆောင်ရွက်တာတွေ မြင်ချင်တဲ့အကြောင်း ကုလသမဂ္ဂရုံးချုပ်မှာ အင်္ဂါနေ့နှောင်းပိုင်း ပြုလုပ်တဲ့ အ တွင်းရေးမှူးချုပ်ရဲ့ မြန်မာ့မိတ်ဆွေနိုင်ငံများအဖွဲ့ ဆွေးနွေးပွဲအပြီးမှာ သတင်းထောက်တွေကို ပြောခဲ့တာပါ။

NLD ဗဟိုကော်မတီဝင်တဦးဖြစ်တဲ့ ဦးဉာဏ်ဝင်းကလည်း ဒီလိုအခြေအနေတွေ ပေါ်ပေါက်လာဖို့ ပါတီအနေနဲ့ မျှော်လင့်နေတဲ့အကြောင်း ပြောပါတယ်။

“NLD ပါတီ မှတ်ပုံတင်နိုင်မယ့် အခြေအနေတရပ်ဖြစ်ဖို့ လိုနေတယ်လို့ ကျနော်တို့ တွက်ထားပါတယ်။ သမ္မတ နဲ့ ဒေါ်အောင်ဆန်းစုကြည် ဆွေးနွေးတဲ့ အချက်တွေကိုတော့ ကျနော်တို့ မသိပါဘူး။ ဒါကြောင့် အဲဒီဆွေးနွေးပွဲ ရဲ့ သူတို့ မျှော်မှန်းထားတာတွေ ဖြစ်ပေါ်လာဖို့ စောင့်မျှော်နေတာ အခု နည်းနည်း နောက်ကျလာပြီဆိုတဲ့ သ ဘောတော့ တွေ့တယ်။ ဒါကြောင့် တကယ်လို့ NLD ပါတီအနေနဲ့ကတော့ မှတ်ပုံတင်နိုင်မယ့် အခြေအနေတခု ပေါ်ပေါက်လာရင်တော့ ကျနော်တို့ ဒီဟာကို စဉ်းစားဆုံးဖြတ်မှာပါ။ ကြိုတင်ဆုံးဖြတ်ထားတာတော့ မရှိပါဘူး”

ပြီးခဲ့တဲ့ ၂၀၁၀ ပြည့်နှစ် နိုဝင်ဘာလမှာ ကျင်းပတဲ့ ရွေးကောက်ပွဲတွေကိုတော့ ဒီမိုကရေစီအခြေခံတွေ ကင်းမဲ့ တယ်ဆိုပြီး NLD ပါတီက ပြောဆိုခဲ့သလို မှတ်ပုံမတင်ဘဲ နေခဲ့တဲ့အတွက် တရားဝင် နိုင်ငံရေးပါတီတခု မ ဟုတ်ဘူးဆိုပြီး အာဏာပိုင်တွေက သဘောထားနေကြတာပါ။ ဒါပေမယ့်လည်း အစိုးရသစ် တက်လာပြီးတဲ့ နောက် ပထမဆုံးအကြိမ်အဖြစ် ပြီးခဲ့တဲ့လထဲ သမ္မတ ဦးသိန်းစိန်နဲ့ NLD ပါတီရဲ့ အဓိက ခေါင်းဆောင်တဦး ဖြစ်တဲ့ ဒေါ်အောင်ဆန်းစုကြည်တို့ နေပြည်တော်မှာ တွေ့ဆုံခဲ့တာလို ဖြစ်ထွန်းမှုတွေ ရှိလာတဲ့အတွက် အခြေ အနေတွေ ပြောင်းလဲလာလေမလား မျှော်လင့်ချက်တွေလည်း ထွက်ပေါ်လာခဲ့တာဖြစ်ပါတယ်။

ကုလသမဂ္ဂ အထွေထွေညီလာခံမှာ မြန်မာနိုင်ငံခြားရေးဝန်ကြီး ဦးဝဏ္ဏမောင်လွင် မိန့်ခွန်းပြောရာမှာလည်း မြန်မာနိုင်ငံဟာ ပြုပြင်ပြောင်းလဲရေးလုပ်ငန်းတွေကို လုပ်ဆောင်ဖို့ သန္နိဋ္ဌာန်ချထားသလို ရှေ့လျှောက် ဆက် လုပ်သွားမှာလည်းဖြစ်တယ်လို့ ထည့်သွင်းပြောဆိုသွားတာပါ။ ဒီအတွက်လည်း မကြာခင်မှာ အပြောင်းအလဲ တွေ ဖြစ်လာလိမ့်မယ်လို့ သြစတြေးလျ အမျိုးသားတက္ကသိုလ်က ဆေးဘက်ဆိုင်ရာ မနုဿဗေဒပညာရပ်အ တွက် မြန်မာနိုင်ငံမှာ လေ့လာခဲ့ဖူးသူ ပါမောက္ခ မိုနစ်ခ် စကစ်ဒ်မိုး (Monique Skidmore) တို့လို အကဲခတ် တွေက မြင်ပါတယ်။

“မြန်မာအစိုးရက သိပ်စကားပြောလေ့ရှိတာ မဟုတ်ပါဘူး။ ကုလသမဂ္ဂမှာလည်း ဒီလိုပြောတတ်တာ မဟုတ် ပါဘူး။ ဒီလို မှတ်ချက်ပေး ပြောဆိုတာတွေဟာ ထူးခြားပါတယ်။”

ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) ကလည်း အပြောင်းအလဲတွေ ဖြစ်နိုင်တယ် ဆို တာကို မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်

ဆာလာအိတ်ထဲက ရာဇ၀င်များရဲ့ သတို့သမီး

by Myo Maw on Tuesday, September 27, 2011 at 1:28pm

ဆာလာအိတ်ထဲက ရာဇ၀င်များရဲ့ သတို့သမီး

ကျွန်တော်တို့ ငယ်ငယ်တုန်းက ရပ်ကွက်ထဲမှာ "မရမ်းသီး" ဆိုတဲ့ ဘော်တယ်ကုလားတစ်ယောက်ရှိတယ်။
သတင်းစာအဟောင်းတွေ ပုလင်းအဟောင်းတွေလိုက်ဝယ်တာပါ။
နေ့စဉ်နေ့တိုင်း နေ့လည် ၂ နာရီပတ်ဝန်းကျင်လောက်မှာ ကျွန်တော်တို့ရပ်ကွက်ထဲ အသံကျယ်ကျယ် ကျယ်ကျယ်နဲ့ လိုက်အော်လေ့ရှိပါတယ်။
သူနဲ့အမြဲတွဲပြီးတွေ့နေရတာက ဟောင်းနွမ်းမည်းညစ်နေတဲ့ ဆာလာအိတ်ကြီးနှစ်လုံးနဲ့ သူတို့ကိုလျှိုထားတဲ့ သက်တမ်းရင့်နေတဲ့ ပြောင်ချောချော ၀ါးထမ်းပိုးကြီးပါ။
ကျွန်တော်တို့ ညီအစ်ကို မောင်နှမတွေကစားနေတဲ့ခြံရှေ့ရောက်ပြီဆိုရင်-"ဟေ့ ချာတိတ်တွေ ဘာတွေရောင်းစရာရှိလဲ...အားမနာနဲ့ ပြောနော်...မရမ်းသီး အကုန်ဝယ်တယ်...မင်းတို့လည်း မုန့်ဖိုးရတယ်..." ဆိုပြီးအော်နေကျ ပြောနေကျ ဖြစ်ပါတယ်။
ရောင်းသူ ၀ယ်သူ အသံတူ လို့ဆိုရမှာပဲ...အိမ်က သတင်းစာတွေ (လူကြီးတွေ ဖတ်ပြီးတာတွေ မပြီးတာတွေ နားမလည်ဘူး)၊ ကျောင်းသုံးဗလာစာအုပ်တွေ (သင်ပြီးသားစာတွေ ပြန်ကြည့်မယ်ဆိုတဲ့စိတ်ကူး ယောင်လို့တောင်မရှိခဲ့တာ မှန်သောသစ္စာပါ)၊ ဗဟုသုတဖြစ်ဖွယ်မဂ္ဂဇင်းစာအုပ်တွေ(နှမြောရကောင်းမှန်းလည်းမသိခဲ့ပါဘူး)၊ ကတ်ထူစက္ကူတွေ(တီဗီအုပ်တဲ့ စက္ကူဂျပ်ပုံးတွေပါအကုန်ဆွဲဖြုတ်ပစ်ခဲ့တာပဲ)၊ ပုလင်းအခွံတွေ (အဖွားစုထားတဲ့ ပုလင်းခွံတွေပါ ပါသွားလို့ ဆော်ပလော်တီးခံရသေးတယ်) ရောင်းလို့ရသမျှ အကုန်ဆွဲထုတ်ပြီး အပုံလိုက်ကိုရောင်းလိုက်တာပါပဲ။
ဒါနဲ့ပဲ အိမ်ထဲကပစ္စည်းတွေက ဘော်တယ်ကုလားရဲ့ဆာလာအိတ်ထဲ သိမ်းကျုံးပြီးဝင်သွား....ကုလားက ပိုက်ဆံပေးသွား...တစ်ခါတစ်လေ ပိုပေးသွား (လူကြီးတွေမသိအောင်ရောင်းပေးလို့ ကော်မရှင်သဘောမျိုးထင်ပါရဲ့)..... ရတဲ့ ပိုက်ဆံနဲ့ ကျွန်တော်တို့က မုန့်ဝယ်စား....ကုလားလည်းပြုံး ကျွန်တော်တို့လည်းပြုံး....ဒါပါပဲ။ ဒီလောက်ပဲသိတဲ့ အရွယ်တွေပါ။
မုန့်ဖိုးဆိုတာ ကျွန်တော်တို့လို ကလေးတွေအတွက်တော့ အကြီးမားဆုံးမက်လုံး တစ်ခုပါ။
ကလေးအသိ ကလေးအတွေးနဲ့ ကိုယ်လိုတာရပြီးရော....အိမ်ကဟာတွေရောင်းရင် မုန့်စားရတယ်ကွဆိုတဲ့ အဲဒီတုန်းကလုပ်ရပ်ကလေးတွေဟာ အခုအချိန်ပြန်တွေးမိတော့ ရယ်စရာလည်းကောင်း၊ ရှက်စရာလည်းကောင်းတဲ့ အတွေးတိမ်တိမ် အသိမှိန်မှိန်လေးတွေပါ။ ဒါပေမယ့် အဲဒီကလေးအတွေးလောက်တွေးတတ်ရင်ပဲ........အင်း........ဇာတ်လမ်းက အခုမှစတာပါ။
+++++++

မြစ်ဆုံနှင့် စာပေ အနုပညာရပ်ဝန်း

ထွန်းထွန်း | အင်္ဂါနေ့၊ စက်တင်ဘာလ ၂၇ ရက် ၂၀၁၁ ခုနှစ် ၂၀ နာရီ ၂၈ မိနစ်

"ကျနော်တို့ရမယ့် အကျိုးအမြတ်နဲ့ အကျိုးအမြတ်မျှော်ပြီး လုပ်သမျှ ကာလပတ်လုံး ဘာတခုမှ မကောင်းဘဲဗျာ။ ပေး ရတာနဲ့ ဘယ်လိုမှ မတန်တဲ့ ကိစ္စတွေ” မြစ်ဆုံဆည်စီမံကိန်းများကြောင့် ဧရာဝတီမြစ် ပျက်စီးမည်သူကို စိုးရိမ်တကြီး
ပြောနေသူမှာ ပြည်တွင်းထုတ် ပိတောက်ပွင့်သစ် မဂ္ဂဇင်း အယ်ဒီတာချုပ် ကဗျာ မောင်စိမ်းနီ ဖြစ်သည်။

သူက ဆက်ပြီး “တိုင်းရင်းသားချင်း သွေးစည်းညီညွတ်ရမယ့် စိတ်ဓာတ်တွေ ပြိုကွဲရမယ့် ကိစ္စမျိုးတော့ ဘာလို့ လုပ်တော့မှာလဲ”ဟု ဆိုသည်။

တေးရေးနှင့် တေးဆိုဖြစ်သူ ကိုဆောင်းဦးလှိုင်ကလည်း “ဧရာဝတီမြစ်ရဲ့ မြစ်ဆုံသာ တခုခု အမှားအယွင်း၊ အတိမ်းအစောင်း ရှိမယ်ဆိုရင် တတိုင်းပြည်လုံး ထိခိုက်သွားမှာမျိုးကို ပေါ့ဗျာ။ ဧရာဝတီမြစ်က တိုင်းပြည်ရဲ့ အသက်သွေးကြော ဆိုတော့ အဲဒါမျိုးကို စိုးရိမ်ပူပန်မှု ရှိလို့ အနုပညာသမားတွေပါ ပါဝင်လှုပ်ရှားကြတာ” ဟု ပြောသည်။

အစိုးရက ကြွေးကြော်နေသည့် ပြည်သူ့အသံသည် လွှတ်တော်ဆန္ဒ၊ ပြည်သူ့ဆန္ဒသည် လွှတ်တော် အသံ ဆိုသည်မှာ အဖြူ၊ အမဲ သဲကွဲလာမည့် အတွက် စောင့်ကြည့်သင့်ကြောင်း ကိုဆောင်ဦးလှိုင်က ရှုမြင် (ဓါတ်ပုံ မဇ္ဈိမ)

ယခင်က အစိုးရ၏ လုပ်ရပ်များအား ဆန့်ကျင်သည့် သဘော သက်ရောက်သည့် အပြုအမူ၊ အပြောအဆိုများ ရှိပါက ရေးသားခွင့်၊ သီဆိုခွင့် ပိတ်ပင်ခြင်းများ ရှိသည့်ကြားမှ ထိခိုက်မှုများမည်ဟု လူပြောများနေသည့် ဧရာဝတီ
မြစ်ဆုံ ကိစ္စနှင့် ပတ်သက်၍ စာပေနှင့် ဂီတနယ်ပယ်သားများ လူသိရှင်ကြား ဝေဖန်လာနေကြသည်။

“တချိန်တုန်းက ပြောဖို့ ဆိုဖို့ လက်တွန့်နေတဲ့သူတွေ အများကြီးပဲလေ။ တွန့် တွန့်နေတဲ့သူတွေ အများကြီး လေ။ လက်တွန့်တာပေါ့လေ။ စိုးရိမ်ထိတ်လန့်မှု ရှိတဲ့သူတွေ အများကြီးပေါ့။ အခုတော့ အခမ်းအနားတွေ လုပ်ရင်လည်း ခါတိုင်းနှစ်တွေထက်တော့ အခမ်းအနားတွေက ပိုပြီးတော့ စည်ကားလာတယ်” ဟု ကိုဆောင်းဦးလှိုင်က ပြောဆို
သည်။

မြစ်ဆုံစီမံကိန်း၊ ဒဂုန်တာရာ လေးနက်စွာ ကန့်ကွက်

ကိုပေါက် | ဗုဒ္ဓဟူးနေ့၊ စက်တင်ဘာလ ၂၈ ရက် ၂၀၁၁ ခုနှစ် ၁၅ နာရီ ၃၂ မိနစ်

နယူးဒေလီ (မဇ္ဈိမ) ။      ။ ဧရာဝတီ မြစ်ဖျားခံရာ အရပ်ရှိ မြစ်ဆုံဆည် စီမံကိန်းအား ‘လေးနက်စွာ ကန့်ကွက်ကြောင်း’ အသက် ၉၄ နှစ်ရှိပြီဖြစ်သည့် စာရေးဆရာကြီး ဒဂုန်တာရာက ငြိမ်းချမ်းရေး ပန်ကြားလွှာ အမှတ် ၃ ကို ထုတ်ပြန် လိုက်သည်။

တနင်္လာနေ့က ထုတ်ပြန်လိုက်သည့် အဆိုပါ ပန်ကြားလွှာတွင် ဧရာဝတီမြစ်ကြီးမှာ လူ့ပယောဂများကြောင့် များစွာ ပျက်စီးနေပြီး မြစ်ဆုံဆည် စီမံကိန်းကြောင့် “မြန်မာ့ရဋ္ဌ မြန်မာ့သဘာဝ မြန်မာ့ဘဝကို ဖျက်ဆီးနိုင်သည် သာမက
မြန်မာနှင့် အာရှဒေသ ငြိမ်းချမ်းရေးကိုပါ ထိခိုက် ပျက်စီးစေနိုင်သည်” ဟု ဖော်ပြပါရှိသည်။

ရှေးဦးမြန်မာများ လက်ထက်ကတည်းက ဧရာဝတီမှာ ပထဝီသဘာဝအရ တည်ရှိနေခဲ့ခြင်း ဖြစ်ပြီး မြန်မာတပြည်
လုံးက ပိုင်ဆိုင်ကြောင်း “ဧရာဝတီမြစ်ဆိုတာ မြန်မာပြည်လို့ ပေါ်တဲ့အချိန်ကစပြီး ရှိတာ။ ရှည်လည်းရှည်တယ်။ သိပ်ကြီးကျယ်တယ်လေ။ တပြည်လုံးနဲ့ ဆိုင်တယ်။ တရုတ်နဲ့ဆိုင်တာ မဟုတ်ဘူး” ဟု ဒဂုန်တာရာက မဇ္ဈိမကို
ပြောသည်။

ယင်းအပြင် မြစ်ဆုံဆည် အရေးသည် ပြည်တွင်းစစ်အထိ ဦးတည်သွားနိုင်သဖြင့် စီမံကိန်းကို ရပ်ဆိုင်းထားပါရန် ကချင်လွတ်မြောက်ရေးအဖွဲ့ KIO က တရုတ်သမ္မတ ဟူကျင်းတောင်ထံ မတ်လ ၁၆ ရက်နေ့စွဲဖြင့် အိတ်ဖွင့်ပေးစာ
ရေးသားပေးပို့ခဲ့ဖူးပြီး အစိုးရနှင့် KIO အကြား တိုက်ပွဲများလည်း ဆက်လက် ဖြစ်ပွားနေဆဲ ဖြစ်သည်။

ဒေါ်အောင်ဆန်းစုကြည်ကလည်း သြဂုတ်လ ၁၁ ရက်နေ့က ပန်ကြားချက် တစောင် ထုတ်ပြန်ပြီး ဧရာဝတီမြစ်ကြီး တွင် ပြဿနာပေါင်းစုံ ဖြစ်ပေါ်နေကြောင်း “ငြိမ်းချမ်းရေးတရားနှင့် သဟဇာတ ဖြစ်ခြင်းကို မြတ်နိုးသူများ အားလုံး တို့အား အာရှတိုက်၏ အရေးအပါဆုံး မြစ်တခုဖြစ်သည့် ဧရာဝတီကို ခြိမ်းခြောက်နေသည့် အန္တရာယ်များအား ကမ္ဘာတဝှမ်းမှ သိရှိနားလည်ကြစေရန် ကျွန်ုပ်တို့နှင့်အတူ ဝိုင်းဝန်းဆောင်ရွက်ကြပါရန်” ဟု ဖော်ပြပါရှိသည်။

ဗုဒ္ဓ ဆင်းထုတော်များ မဖွယ်မရာ ပြုလုပ်ခံရ၍ စစ်တွေတွင် မကျေနပ်မူတိုးပွား

ထွန်းထွန်း
----------
ရခိုင်ပြည်နယ် မြို့တော် စစ်တွေတွင် ဗုဒ္ဓဆင်းထုတော်များကို အမည်မသိသူများက မဖွယ်မရာ ပြုလုပ် ထားခဲ့သဖြင့် ဒေသခံ ဗုဒ္ဓဘာသာများ အကြား အထူး မကျေနပ်မူ တိုးပွားနေကြောင်း သတင်း ရရှိသည်။

စစ်တွေမြို့ အာဂျိတ်တောင်ကုန်း သင်္ချိုင်းဟောင်း အနီးရှိ သရက်ဦး ဘုန်းတော်ကြီးကျောင်းတွင် ဘုရားကြီး ၃ ဆူ၏ မျက်နှာတော်များကို ကြက်ချေး ရေနံများဖြင့် မဖွယ် မရာ သုတ်လိမ်း ထားပြီး မျက်နာ နဖူးတော်တွင်လည်း မထင်မရှား ရခိုင်လို "ခွီး" ဆိုသော စာလုံးကို ရေးသား ထားသည်ဟု သိရသည်။

၎င်းပြင် အမြင့် ၄ ပေ ကျော်ရှိသော ရခိုင်ဘုရင် စန္ဒသူရိယ၊ ရှင်သီဝလိနှင့် ဇီဝက ဆင်းတုတော် များ၏ မျက်နာများကိုလည်း ကြက်ချေး ရေနံများဖြင့် လိမ်းကျထားသည်ဟု ဒေသခံများက ပြောသည်။

ယခုကဲ့သို့ မဖွယ်မရာ လုပ်ထားခြင်းကို စက်တင်္ဘာလ ၂၃ ရက်နေ့က ပြုလုပ်ထားခြင်း ဖြစ်ကြောင်း ဒေသခံ တစ်ဦးက ပြောသည်။

" ဒီလို လုပ်တာက ဒီလ ၂၃ ရက်နေ့မှာပါ။ အခု ဒေသခံ ဗုဒ္ဓဘာသာဝင်တွေက ဒီလိုလုပ်တဲ့ အပေါ်မှာ အတော်ကို မကျေမနပ် ဖြစ်နေကြတယ်။ အနီးအနားက မွတ်ဆလင် ဘာသာဝင်တွေ လုပ်တယ်ဆိုပြီး ထင်နေကြတယ်။ ဒီကိစ္စ ပြည်နယ် ၀န်ကြီးချုပ်ထိ တက်တိုင်ထားတယ်။ ပြေပြေလည်လည် မဖြေရှင်း နိုင်ရင် ပြဿနာ ကြီးထွား လာနိုင် ပါတယ်" ဟု သူက ဆက်ပြောသည်။

အဆိုပါ ကိစ္စကို ရခိုင်ပြည်နယ်ဝန်ကြီးချုပ်ထံ တိုင်ကြားထားပြီး နောက်ပိုင်း ယခုအခါ မသင်္ကာမှုဖြင့် ဒေသခံ မွတ်ဆလင် (၅) ဦးကို စစ်တွေမြို့ အမှတ် (၁) ရဲစခန်းတွင် ခေါ်ယူစစ်ဆေးနေသည်ဟု သူက ပြောသည်။

"အဲဒီအမှုနဲ့ပတ်သက်ပြီးတော့ မသင်္ကာမှုနဲ့ ဒေသခံမွတ်ဆလင်လူမျိုး ၅ ဦးကို အမှတ် (၁) ရဲစခန်းမှာ ခေါ်ယူစစ် ဆေးနေတယ်လို့ သိရပါတယ်။ လူတွေကတော့ စိတ်ဝင်တစားနဲ့ စောင့်ကြည့်နေကြပါတယ်" ဟု ပြောသည်။ ယခုလိုလုပ်ရပ်မှာ ယခင်ကတခါမှ မဖြစ်ပွား ခဲ့ဖူးကြောင်းနှင့် ယခု လုပ်ရပ် အပေါ် ဗုဒ္ဓ ဘာသာဝင် များက အထူး ခံပြင်းနေကြောင်း သိရသည်။

ယခု လုပ်ရပ်အပေါ် ဘာသာရေး အဓိဂရုဏ်း ဖြစ်အောင် အာဏာပိုင်များပ ဖန်တီးခြင်းလည်း ဖြစ်နိုင်ကြောင်း အမည် မဖေါ်လိုသူ နိုင်ငံရေး လေ့လာ အကဲခတ်သူ တစ်ဦးက ပြောသည်။

" အခု စစ်တွေမှာ ဘာသာရေး အဓိဂရုဏ်းတွေ ဖန်တီးနိုင်လာတဲ့ အခြေအနေရှိတယ်။ သတိထားရမယ်။ ဘာဖြစ်လို့လည်းဆိုတော့ သရက်ဦး ဘုန်းတော်ကြီးကျောင်းက ဘုရားကြီးကို မဖွယ်မရာ လုပ်ထား တာတွေ အာဏာပိုင်တွေလည်း ဖြစ်နိုင်တယ်။ တိုင်းပြည်မှာ ရှုပ်ထွေးနေတဲ့ နိုင်ငံရေး ပြဿနာတွေ ပေါ်ပေါက်နေတဲ့ အတွက် ဘာသာရေး အဓိဂရုဏ်း မဖန်တီးနိုင်ဘူးလို့ ဘယ်သူမှ မပြောနိုင်ဘူး" ဟု သူက ပြောသည်။

ယခု လုပ်ရပ်မှာ အနီးအနားမှ မွတ်ဆလင်များက ပြုလုပ်သည်ဟု သတင်းထွက်နေပြီး ဒေသခံ ရခိုင် ဗုဒ္ဓဘာသာဝင်များက အထူး မကျေမနပ် ဖြစ်နေကြောင်း သတင်း ရရှိသည်။

အာဆီယံ ညီလာခံတွင် အမေရိကန်နှင့် ရုရှ သမ္မတတို့ တက်မည်

ရန်ကုန် (မဇ္ဈိမ) ။       ။ လာမည့် နိုဝင်ဘာ ၁၄မှ ၁၉ရက်အထိ အင်ဒိုနီးရှားနိုင်ငံ၊ ဘာလီမြို့တွင် ကျင်းပမည့် ၁၉ ကြိမ် မြောက်၊ အရှေ့တောင် အာရှ နိုင်ငံများအသင်း (အာဆီယံ) ထိပ်သီး အစည်းအဝေးပွဲသို့ အမေရိကန် သမ္မတ ဘာရက်အိုဘားမားနှင့် ရုရှသမ္မတ ဒီမီထရီ မက်ဗီဒက်တို့ တက်ရောက်မည် ဖြစ်ကြောင်း အာဆီယံ အတွင်းရေးမှူးချုပ်
နှင့် နီးစပ်သည့် အသိုင်းအဝိုင်းက ပြောသည်။

ပြီးခဲ့သည့် ဇူလိုင်လ အတွင်းက ဘာလီတွင်ပင် ပြုလုပ်ခဲ့သည့် အာဆီယံ ဒေသတွင်း ဖိုရမ်တွင် အမေရိကန်၏
နိုင်ငံခြားရေး ဝန်ကြီး ဟီလာရီကလင်တန် တက်ရောက်ခဲ့ကာ၊ ယခု ထိပ်သီး အစည်းအဝေးတွင်မူ သမ္မတ
အိုဘားမား ကိုယ်တိုင် လာရောက်မည် ဖြစ်သည်ဟု ဆိုသည်။

မြန်မာနိုင်ငံမှလည်း အဆိုပါ ထိပ်သီးညီလာခံသို့ သမ္မတ ဦးသိန်းစိန်တက် ရောက်မည်ဟု နေပြည်တော်ရှိ သတင်း ရပ်ကွက်များက ပြောသည်။

မြန်မာနိုင်ငံသည် ၂ဝ၁၄ ခုနှစ်တွင် အာဆီယံ အလှည့်ကျ ဥက္ကဋ္ဌ တာဝန်ထမ်းဆောင်ရန် အသင့်ဖြစ်နေရာ အဆိုပါ ထိပ်သီးညီလာခံတွင် အလှည့်ကျ ဥက္ကဋ္ဌရာထူးနှင့် ပတ်သတ်သည့် အာဆီယံ၏ ဆုံးဖြတ်ချက် အပြီးသတ် ချမည် ဟုလည်း နိုင်ငံခြားရေးဝန်ကြီး ဦးဝဏ္ဏမောင်လွင်က ပြီးခဲ့သည့် သြဂုတ်လ အတွင်းက တရားဝင် ပြောကြားခဲ့သည်။

ထိုထိပ်သီး အစည်းအဝေး မတိုင်ခင် လက်ရှိ အာဆီယံ အလှည့်ကျ ဥက္ကဋ္ဌအဖြစ် တာဝန်ယူနေသည့် အင်ဒိုနီးရှား
နိုင်ငံ၏ နိုင်ငံခြားရေး ဝန်ကြီး ဒေါက်တာမာတီနာတာလီဂါဝါ ခေါင်းဆောင်သည့် သံအဖွဲ့ အောက်တိုဘာလ အတွင်း
မြန်မာနိင်ငံသို့ လာရောက် လည်ပတ်ရန်လည်း ရှိနေသည်။

စက်ရုပ် ရိုက်ချသဖြင့် မြန်မာ အလုပ်သမား တဦး သံရည်ပူလောင်ပြီး ထိုင်းနိုင်ငံတွင် ဆေးရုံတင်ထားရ

 ဘစောတင် by  ၂၈.၉.၂၀၁၁
 ထိုင်းနိုင်ငံတောင်ပိုင်း ဟတ်ယိုင်မြို့ရှိ JRD BRIGHTUHEELS THAILAND Co.,Ltd စက်ရုံတွင် အလုပ်လုပ်နေသော မြန်မာအလုပ်သမား တစ်ဦးကို အဆိုပါ စစ်ရုံတွင် အလုပ် လုပ်နေသော စက်ရုပ် တစ်ရုပ်မှ ရိုက်ချလိုက်သဖြင့် သံရည်ပူ အိုးထဲသို့ ပြုတ်ကျကာ ပြင်းထန်စွာ ဒဏ်ရာရရှိသွားပြီး ယခုအခါ ဆေးရုံတင်ထားရကြောင်း သတင်းရရှိသည်။

အဆိုပါ စက်ရုပ် ရိုက်ချ၍ ဆေးရုံတင်ထားရသူမှာ ကိုကျော်နိုင် အသက် ၂၇ နှစ် ဖြစ်ပြီး ရခိုင်ပြည်နယ် မြောက်ဦးမြို့ ဗန္ဓုလ ရပ်ကွက်မှ လာရောက် အလုပ်လုပ်နေသူဖြစ်သည်။ သူ၏ အလုပ်သမား နံပတ်မှာ ၀၀၉၀ ၇၁၁၀ ၀၈ ၄၄၂ ဖြစ်သည်။

JRD BRIGHTUHEELS THAILAND Co.,Ltd သည် ကားဘီးအတွင်းပိုင်းရှိ သံခွေကို ပုံသွင်း သွန်းလောင်းသည့် စက်ရုံဖြစ်သည်။ ယင်းစက်ရုံတွင် လူများနှင့်အတူ စက်ရုပ် အလုပ်သမားများလည်း အလုပ်လုပ်လျှက်ရှိကြသည်။

အခင်းဖြစ်ပွါးသည့် စက်တင်္ဘာလ ၁၇ ရက်နေ့က ကိုဦးကျော်နိုင်သည် သံရည်ကြိုသည့် အမှတ် ၂ အိုးထဲရှိ သံချေးများကို ဖယ်ရှားနေစဉ် အမှတ် ၁ သံရည်ကြိုအိုးသို့ အလုပ်လုပ်ရန်လာသော စက်ရုပ်အလုပ်သမားက သူ့ကို ရိုက်ချလိုက်သဖြင့် ယခုကဲ့သို့ သံရည်ပူ လောင်ကျွမ်းခံရခြင်းဖြစ်ကြောင်း ဦးကျော်နိုင်၏ သူငယ်ချင်းဖြစ်သူ ကိုခိုင်စိုးက ပြောသည်။

'ဦးကျော်နိုင်က ဘွိုင်လာအိုးက ကျလာတဲ့ သံရည်တွေထဲမှာပါလာတဲ့ သံချေးတွေကို ဖယ်နေတုန်းမှာ အမှတ် ၂ သံရည်ပူ အိုးထဲမှာ အလုပ်လုပ်ဖို့လာတဲ့ စက်ရုပ်က သူ့ကို ရိုက်ချလိုက်တာ တခါတည်း သံရည်ပူ အိုးထဲကို မှောက်လျှက် ကျသွားခဲ့ပါတယ်' ဟု ဆိုသည်။

ကိုဦးကျော်နိုင်၏ လက်နှစ်ချောင်း ရှေးဦးစွာ သံရည်ပူအိုးထဲသို့ ထိုးကျသွားပြီး သံရည်ပူများက အင်္ကျီ အ၀တ်အစားများ ကို စွဲလောင်သဖြင့် ဒူးဆစ်အထက်ပိုင်း ခန္ဓာကိုယ်တခုလုံး သံရည်ပူလောင်ခြင်းခံရသည်ဟု ဆေးရုံတွင် အကူအညီပေးနေသူ ကိုထွန်းကျော်က ပြောသည်။

ကိုကျော်နိုင်သည် ကုတင် ၉ အခန်း ၅၃၀ ၅ထပ် ဟတ်ယိုင် ဆေးရုံကြီးတွင် တက်ရောက် ကုသနေကြောင်း သိရသည်။

'ဒူးဆစ် အထက်ပိုင်းက ခန္ဓာကိုယ် တခုလုံး သံရည်ပူလောင်ထားတယ်။ ဘယ်လိုဖြစ်နေလဲ ဆိုတော့ ဖားတကောင်ကို မီးဖုတ်ထားတဲ့အတိုင်းဘဲ။ လက် ၂ဘက်က သံရည်အိုးထဲကို ဒိုင်ဗင်ပစ်သလို ကျသွားတာဆိုတော့ အကောင်း ပြန်ဖြစ်ပါ့မလားမသိဘူး။ မျက်လုံး ၂လုံးကို မထိခိုက်တာ အင်မတန်ကံကောင်းတယ် ပြောရမယ်။ ဆေးရုံမှာ ဘယ်လောက်ကြာကြာနေရမလဲတော့ ကျနော်လည်း မသိဘူး' ဟု ကိုထွန်းကျော်က ဆက်ပြောသည်။

သူ့တွင် အလုပ်သမား လက်မှတ်ရှိသော်လည်း ဆေးရုံလက်မှတ် မရရှိသေးသဖြင့် ဆေးရုံမှ ဘတ် ၃၀ ဖြင့် ကုသခွင့် မရဘဲ ဖြစ်နေကြောင်း သိရသည်။

ဆေးရုံမှ သူနာပြုဆရာမများ၏ ပြောပြချက်အရ ဘတ်သိန်းနှင့်ချီ ကုန်ကျမည်ဟု ပြောကြောင်း သိရသည်။ သူဆေးရုံတက်ပြီး ၄ ရက်အကြာ စက်တင်ဘာလ ၂၁ ရက်နေ့က ယင်းစက်ရုံမှ စာရေးမ နှစ်ယောက် ဆေးရုံသို့ လာပြီး ဆေးကုခ ၃၁၂၀၆ ဘတ် ပေးသွင်းသွားပြီး လူနာအသုံးပြုရန် ဘတ် ၅၀၀ ပေးသွားကြောင်းနှင့် နောက်ထပ် စက်ရုံမှ မည်သူမျှ လာရောက်ခြင်းမရှိတော့ဟု ကိုထွန်းကျော်က ပြောသည်။

ယခုကဲ့သို့ အသက်အန္တရာယ် ထိခိုက်စေနိုင်သော အလုပ်မျိုးတွင် အတွေ့အကြုံနုနယ်သူ ကျန်းမာရေး အာမခံ အသက်အာမခံ စသော မည်သည့်အာမခံမျိုးမှ မရှိသူများကို အလုပ်ရှင်က စေခိုင်းခြင်းနှင့် ငွေရလျှင် ပြီးရော ဆိုပြီး အလုပ်ရှင်က ခိုင်းသည့်အလုပ်ကို လုပ်ခြင်းများကြောင့် ယခုကဲ့သို့ ရင်နာဖွယ် အဖြစ်ဆိုးမျိုး ကြုံတွေ့ရခြင်း ဖြစ်ကြောင်း ရွှေ့ပြောင်းအလုပ်သမားများအရေး ဆောင်ရွက်ပေးသည့် TACDB မှ လက်ထောက် ဒါရိုက်တာ ဦးမြင့်ဝေက ပြောသည်။

' ဒီကိစ္စနဲ့ ပတ်သက်လို့ အသေးစိတ် အချက်အလက်တွေကို ဆေးရုံမှာ တောင်းခံဖို့ လိုပါဦးမယ်။ အခုလက်ရှိ အခြေအနေရ ပြောရမယ်ဆိုရင် လုပ်ငန်းခွင် မလုံခြုံမှုပေါ့ဗျာ။ စက်ရုံကလည်း ထိုင်းအစိုးရက သတ်မှတ်ထားတဲ့ အလုပ်သမား ဥပဒေတွေကို မလိုက်နာဘဲနဲ့ ခုလို အတွေ့အကြုံမရှိသေးတဲ့ အလုပ်သမားတွေကို ခိုင်းတဲ့ကိစ္စကြောင့် ခုလို ဖြစ်ရတယ်။ အလုပ်သမား ဘက်ကလည်း အလုပ်ရချင်တဲ့ ဇောတခုတည်းနဲ့ ဒီလို အန္တရာယ်များတဲ့ အလုပ်ကို ပိုက်ဆံရပြီးရော ဆိုပီး လုပ်တဲ့ အတွက် ခုလိုမျိုး ၀မ်းနည်းဖွယ်ရာ အဖြစ်တွေ ကြုံရတာပေါ့။ ဘယ်လိုဘဲဖြစ်ဖြစ် ခုကိစ္စမှာ သူ့ရဲ့ အလုပ်သမား ရပိုင်ခွင့်အတွက် တိုက်ပွဲဝင်သင့်တယ်' က ပြောသည်။

ယင်းစက်ရုံတွင် မြန်မာအလုပ်သမား ၆၀ ခန့် အလုပ်လုပ်လျှက် ရှိကြောင်း သိရသည်။

မုန်ဘော် ကချင်ခရစ်ယာန် ဘုရားကျောင်းမှ ဒုက္ခသည် ၁၀၉ ဦး လက်ခံထား

ရှမ်းပြည်မြောက်ပိုင်း မုန်ဘော်မြို့ ခရစ်ယာန် ဘုရားကျောင်းတစ်ခုက နေရပ်စွန့်ခွာထွက်ပြေးလာသူ ၁၀၉ ဦး ကို လက်ခံထားသည်ဟု ယင်းဘုရားကျောင်းက ဆိုသည်။ ရက်သားအရွယ် ကလေးငယ်နှင့် မိခင်လည်း ရွှေ့ပြောင်းလာသူများထဲတွင် ပါဝင်သည်ဟု ဆိုသည်။ ကလေးငယ်နှင့် အမျိုးသမီးအများစု ပါဝင်သည့် ဒုက္ခသည်များသည် အင်္ဂါနေ့က ရောက်ရှိလာကြခြင်းဖြစ်သည် ဟု သိရသည်။ KIA တပ်မဟာ ၄ လွယ်ကန်ဒေသမှ တောတောင်ထဲ တစ်ညအိပ်ကာ မုန်ဘော်ရောက်ရန် တစ်ရက်ကြာ ခြေကျင်ခရီးနင်ရသည်ဟု စစ်ပြေးဒုက္ခသည် အမျိုးသမီးတစ်ဦး ကချင်သတင်းဌာနသို့ပြောသည်။ “အမျိုးသမီးနဲ့ ကလေးငယ်တွေအများစုပဲ။ သူတို့လမ်းကောင်းကောင်း မလျှောက်နိုင်ကြဘူး။ ကျနော်တို့ မုန်ဘော်ကနေ ၅ မိုင်လောက်သွားပြီး ကားနဲ့ကြိုလာတာ” ဟု ဘုရားကျောင်းမှ ဒုက္ခသည်များအား ကူညီနေသူ တစ်ဦးပြောသည်။ စက်တင်ဘာ ၂၅ ရက်တွင် မြန်မာအစိုးရတပ်က ပစ်သည့် ၁၂၀ မမ အမြောက်ဆံတစ်ခု ရွာထဲ ကျရောက်ပေါက်ကွဲသည့်အတွက် ၁၀-နှစ်ကျော် ပလောင်ကလေး တစ်ယောက် ဒဏ်ရာရရှိသွားသည်ဟု ဒီမားကျေးရွာမှ ရောက်ရှိလာသည့် ဒုက္ခသည်အမျိုးသမီးတစ်ဦးက ထပ်ပြောသည်။ နောက်ထပ် မုန်ဘော်သို့ စစ်ပြေးဒုက္ခသည်များရောက်လာရန် ရှိသည့်အတွက် ကြိုနိုင်ရန် ကားများ အဆင်သင့် ပြုလုပ်ထားသည်ဟု မုန်ဘော်ဘုရားကျောင်းမှ လူငယ်ဆရာတစ်ယောက်ပြောသည်။ စက်တင်ဘာ ၂၄ ရက်စကာ မြန်မာအစိုးရတပ်က KIA တပ်မဟာ ၄ လွယ်ကန်ဒေသကို ထိုးစစ်ဆင်လာသည့်အတွက် စစ်ပြေးဒုက္ခသည် ရာချီထွက်ပြေးလာကြကာ လာရှိုး၊ ကွတ်ခိုင်၊ နမ်အွမ်၊ နမ်ဖတ်ကာ၊ မူဆယ်၊ ပန်ဆိုင်း(ကြူကုတ်)၊ မုန်ဘော်၊ နမ်တောင်၊ မုန်ကိုး ဒေသသို့ ရောက်ရှိလာကြသည်ဟု ၎င်းဒေသမှ ဒုက္ခသည်လေ့လာသူများက ဆိုသည်။ ယခုချိန်အထိ ဒုက္ခသည်များ စားဝတ်နေရေးအတွက် ကချင်ခရစ်ယာန်ဘုရားကျောင်းများက အဓိက ပံ့ပိုးနေသည်ဟု ဒုက္ခသည်များ ပြောသည်။ စစ်ပွဲကြီးစတင်လာပြီး စစ်ပြေး ၂၀၀၀၀ ကျော်သည် မြန်မာအစိုးရထိန်းချုပ်ဒေသများနှင့် တောတောင်များအတွင်းသို့ ထွက်ပြေးတိမ်းရှောင်နိုင်သည်ဟု KIA တပ်မဟာ ၄ အရာရှိများပြောသည်။ ထို့အပြင် ရှမ်းပြည်နယ် မြောက်ပိုင်းမှာပဲ မြောက်ပိုင်း ရှမ်းပြည်တပ်မတော် (SSA/SSPP)နှင့် မြန်မာအစိုးရတပ်ကြား မတ်လကစတင်သည့် တိုက်ပွဲများကြောင့် ဒုက္ခသည် ၃၀၀၀၀ ကျော် ရှိနေပြီ ဖြစ်ကြောင်းကို ရှမ်းဒုက္ခသည်ကူညီရေးအဖွဲ့များက လည်း ဆိုသည်။ ကချင်ပြည်နယ်တွင် ဇွန်လကစတင်သည့် တိုက်ပွဲများကြောင့် မြန်မာအစိုးရထိန်းချုပ်ဒေသများနှင့် KIO ထိန်းချုပ်သည့် တရုတ်နယ်စပ်ဒေသများတွင် စုစုပေါင်းဒုက္ခသည် ၃၀၀၀၀ ကျော်နေပြီဖြစ်သည်။

စော်ဘွားပဒေသရာဖ်ခေတ်နဲ့ လောင်းကစားဝိုင်းများ

min lwin

ဧရာဝတီကို ဝယ်ချင်လို့ပါ

ဖေဖေ..သမီးကျောင်းသွားတော့မယ်.မုန့်ဖိုးပေးပါဦး။ ဒီနေ့တော့ခါတိုင်းထက်ပိုပေးပါနော်။

ဘာဖြစ်လို့လဲသမီးရဲ့ ??

ကျောင်းမှာသူငယ်ချင်းတွေနဲ့ပိုက်ဆံစုနေတာဖေဖေရဲ့ ..

ဟုတ်လား..ဘာအတွက်လဲ?

ဧရာဝတီမြစ်ကိုဝယ်ချင်လို့ပ်ဖေဖေ..။

ဟေ...!!! ဘာလို့ဝယ်ချင်ရတာလဲသမီးက??

သမီးတို့ပုဂံကိုသွားတုန်းကလေ...သီရိပစ္စယျဟိုတယ်ကနေဧရာဝတီမြစ်ကြီးရဲ့ နေဝင်ချိန်ကိုငေးကြည့်နေတာ...သိပ်လှတာပဲ။

အဲဒီဧရာဝတီမြစ်ကြီးရဲ့ ညနေဆည်းဆာအလှကိုထိုင်ကြည့်နေရတာကိုသမီးအရမ်းသဘောကျတယ်။ အဲလောက်လှတဲ့..ဧရာဝတီမြစ်ကြီးပျက်စီးသွားရင် နှမျောစရာကြီးဖေဖေရဲ့ ။ အဲဒါကြောင့်...အဲဒီဧရာဝတီမြစ်ကြီးကိုအပိုင်ဝယ်ထားချင်လို့။

သြော်....၊ အဲဒါပိုက်ဆံနဲ့ဝယ်လို့မရဘူးသမီးရဲ့ ။

အဲဒါဆိုဘာနဲ့ဝယ်ရတာလဲဟင်??

မျိုးချစ်စိတ်နဲ့ဝယ်ရတယ်။

အဲဒါရဖို့ဘယ်လောက်လိုလဲဟင်..??

ဘယ်လောက်မှမလိုပါဘူးသမီးရယ်..။ အဲဒီအတွက်တကယ်လိုအပ်တဲ့ လူနှစ်ဆယ်လောက်ပဲလိုတာပါ။ ။

ထူးနွယ်အိမ် (ဒါရိုက်တာ မောင်မျိုးမင်း - ရင်တွင်းဖြစ်ရဲ့ facebook ကနေ ယူပြီး မျှဝေပါတယ်)