ဂဒါဖီ အသက်မသေခင် ဖမ်းဆီးလာပုံ

ကဒါဖီတော့ သေပြီ

လစ်ဗျားနိုင်ငံမှာ ယာယီအစိုးရတပ်တွေက ခေါင်းဆောင်ဟောင်း မိုမာ ကဒါဖီကို သုတ်သင်ခဲ့တယ်လို့ ယာယီအစိုးရ ထိပ်တန်း တာဝန်ရှိသူတွေက ပြောပါတယ်။
ကဒါဖီအပေါ်သစ္စာခံတဲ့တပ်တွေ ခုခံနေရာ Sirte မြို့ကို ဒီကနေ့ ကြာသပတေးနေ့ ဝင်သိမ်းချိန်မှာ ယာယီအစိုးရ အသွင်ကူးပြောင်းရေး ကောင်စီ NTC တပ်တွေက ကဒါဖီကို ပစ်သတ်ပြီး သူ့ရဲ့အလောင်းကို ယူခဲ့တာလို့ NTC တာဝန်ရှိသူ တော်တော်များများက ပြောပါတယ်။
ဒါပေမဲ့ ကဒါဖီကို ဘယ်လိုပုံစံမျိုး ပစ်ခတ် သတ်ဖြတ်ခဲ့တာလဲဆိုတာကတော့ ရှင်းရှင်းလင်းလင်း မသိရသေးပါဘူး။
ကဒါဖီနဲ့ တော်တော်တူတဲ့လူတယောက်ရဲ့ သွေးတွေ ပေကျံနေတဲ့ ပုံတွေကို နိုင်ငံတကာ ရုပ်မြင်သံကြားလိုင်းတွေက ပြသနေပါတယ်။ NTC ဥက္ကဋ္ဌ Mustafa Abdel Jalil ဟာ မကြာခင်မှာ နိုင်ငံကို မိန့်ခွန်းပြောမယ်လို့ ခန့်မှန်းရပါတယ်။
Sirte မြို့ကို လုံးဝ အပြည့်အဝ ထိန်းချုပ်နိုင်ပြီဆိုရင် လစ်ဗျားနိုင်ငံ လွတ်မြောက်ပြီလို့ ကြေညာမှာဖြစ်တယ်လို့ NTC တာဝန်ရှိသူတွေက ပြောပါတယ်။
Tripoli မြို့တော်ရဲ့ အရှေ့ဘက် မိုင်ပေါင်း ၂၂၃ မိုင်လောက်မှာရှိတဲ့ Sirte မြို့ဟာ ကဒါဖီရဲ့ မွေးရပ်မြို့ဖြစ်သလို ကဒါဖီကို ထောက်ခံသူတွေ အဓိကနဲ့ နောက်ဆုံး ခြေကုပ်ယူထားတဲ့ မြို့လည်း ဖြစ်ပါတယ်။ အခုတော့ NTC ဘက်က တိုက်ခိုက်သူတွေက မြို့ထဲမှာ အလံသစ်ကို လွှင့်ထူပြီး အောင်ပွဲခံတဲ့အနေနဲ့ သေနတ်တွေကို လေပေါ်ကို ပစ်ဖေါက်နေကြတာကို ရုပ်မြင်သံကြားတွေပေါ်မှာ ပြသနေကြပါတယ်

အကျဉ်းထောင်များအတွင်း ကျန်ရှိနေသော ယုံကြည်ချက်ကြောင့် ပြစ်ဒဏ်ကျခံနေရသည့် အကျဉ်းသားများနှင့် အခြားအကျဉ်းသားများကို ထပ်မံလွှတ်ပေးရန် ပြည်သူလွှတ်တော်ထံ အဆိုတင်သွင်း

အကျဉ်းထောင်များအတွင်း ကျန်ရှိနေသော ယုံကြည်ချက်ကြောင့် ပြစ်ဒဏ်ကျခံနေရသည့် အကျဉ်းသားများနှင့် အခြားအကျဉ်းသားများကို ထပ်မံလွှတ်ပေးရန် ပြည်သူလွှတ်တော်ဥက္ကဋ္ဌထံ ရန်ကုန်တိုင်းဒေသကြီး သင်္ဃန်းကျွန်းမြို့နယ် မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးသိန်းညွန့်မှ ကြားဖြတ်အဆိုကို တင်သွင်းခဲ့ကြောင်း သိရှိရသည်။

ဦးသိန်ညွှန့်သည် NDFပါတီမှ သင်္ဃန်းကျွန်းမြို့နယ် မဲဆန္ဒနယ်မှ ပြည်သူလွှတ်တော်ကိုယ်စားလှယ်ဖြစ်သည်။ယခင်က NLD ပါတီဝင်ဖြစ်ပြီး နောက်ပိုင်း ၂၀၁၀ ရွေးကောက်ပွဲကြောင့် ပါတီနှစ်ခြမ်းကွဲကာ NDF ပါတီဘက်သို့ရောက်ရှိသွားခြင်းဖြစ်သည်။ နောက်ပိုင်းNDF ပါတီနှင့်ပါ သဘောထား မတိုက်ဆိုင် ၍ ယခုလက်ရှိတွင်တော့ တစ်သီးပုဂ္ဂလ အဖြစ် လွှတ်တော်ထဲတွင် ပြောရေးဆိုခွင့်ရှိနေသော သူတစ်ယောက်ဖြစ်နေသည်။

အဆိုပါအဆိုကို ပထမအကြိမ် ပြည်သူ့လွှတ်တော် ဒုတိယပုံမှန် အစည်းအဝေး ၃၅ ရက်မြောက်နေ့တွင် တင်သွင်းခဲ့ခြင်းဖြစ်သည်။

ကျောက်ဆည်က ရေဘေးကြောင့် လူအယောက်ပေါင်၁၀၀၀ကျော်လောက် ရွေ့ပြောင်းနေထိုင်ရ

မန္တလေးတိုင်း ကျောက်ဆည်မြို့မှာ ဒီရက်ပိုင်း အတွင်း မိုးသည်းထန်နေပြီး ဆည်ရေ ဖေါက်ချလိုက်တာကြောင့် တမြို့လုံးနီးပါး ရေလွှမ်းကာ မြို့ခံ (၁၃၀၀) ကျော် အိုးအိမ်စွန့်ပြီး ရှောင်တိမ်းခဲ့ရကြောင်း လူမှုကူညီရေး ဆောင်ရွက်နေတဲ့ မြို့ခံတဦးက RFA ကို ပြောပါတယ်။

(Photo: RFA Listener)

မိုးအဆက်မပြတ် ရွာသွန်းကာ ဆည်ရေမထိန်းနိုင်တော့ပဲ ဖောက်လွှတ်ပစ်လိုက်၍ မန္တလေးတိုင်း အချို့ဒေသများတွင် ရေလျှံနေပုံ ဖြစ်ပါသည်။ (Photo: RFA Listener)

အတည်မပြုနိုင်သေးတဲ့ နောက်ဆုံးရ သတင်းတွေအရ လူအသေအပျောက် ရှိတယ်လို့ သိရပါတယ်။ အောက်တိုဘာ လဆန်းပိုင်းကလည်း ဇော်ဂျီမြစ်နဲ့ မြစ်ငယ်မြစ် ရေကြီးလာတာကြောင့် ကျောက်ဆည်မြို့ ရေလွှမ်းသွားခဲ့ရပြီး သောက်သုံးရေ အပါအ၀င်၊ ဆေးဝါးနဲ့ စားနပ်ရိက္ခာ အကူအညီတွေ အရေးပေါ် လိုအပ်ခဲ့ ပါတယ်။ လတ်တလော ဖြစ်ပေါ်နေတဲ့ ကျောက်ဆည် ရေဘေးသင့် ပြည်သူတွေ အတွက် မန္တလေးမြို့ခံတွေက တတ်နိုင်တဲ့ အကူအညီတွေ ပေးပို့နေတယ်လို့ သိရပါတယ်။

နိုင်ငံရေးအကျဉ်းများကို ဓါးခံစာမလုပ်ဖို့ မြန်မာအစိုးရကို ကင်တားနားပြော

မြန်မာနိုင်ငံမှာ နိုင်ငံရေးအကျဉ်းသားအားလုံးကို ဒီနှစ်မကုန်ခင်မှာ ကျင်းပဖို့ မျှော်လင့်ရတဲ့ ကြားဖြတ်ရွေးကောက်ပွဲ မတိုင်ခင် ပြန်ပြီးတော့ လွှတ်ပေးဖို့ ကုလသမဂ္ဂရဲ့ မြန်မာနိုင်ငံလူ့အခွင့်အရေးဆိုင်ရာ စုံစမ်းစစ်ဆေးရေးမှူး သောမတ်၊ အိုဟေး ကင်တားနားက တောင်းဆိုလိုက်ပါတယ်။ မြန်မာ့သမိုင်းမှာ အရေးပါတဲ့ ကဏ္ဍက ပါဝင်နေတဲ့ ဒီနိုင်ငံရေး အကျဉ်းသားတွေကို နိုင်ငံတကာတောင်းဆိုမှုတွေအတွက် အပေးအယူလုပ်ဖို့ ဓားစာခံတွေလို မထားသင့်ဘူးလို့လည်း ကြာသာပတေးနေ့မှာ ကုလသမဂ္ဂမှာ ပြုလုပ်တဲ့ သတင်းစာရှင်းလင်းပွဲမှာ ပြောကြားခဲ့ပါတယ်။ ဒီအကြောင်းကိုတော့ ဒေါ်ခင်မျိုးသက်က အပြည့်အစုံတင်ပြထားပါတယ်။

မြန်မာစတော့အိပ်ချိန်းကို ၂၀၁၅ ခုနှစ်မကုန်ဆုံးမီ တည်ထောင်နိုင်ရန် ပြင်ဆင် နိုင်ငံပိုင်စီးပွားရေးလုပ်ငန်းများကို ၂၀၁၂ ခုနှစ်တွင် ရှယ်ယာများထုတ်ရောင်းရန် စီစဉ်ထား

ဂျကာတာမြို့တွင် အင်ဒိုနီးရှားစတော့အိပ်ချိန်းကို တီဗွီဖန်သားပြင်ပေါ်၌ ဖော်ပြနေမှုအား သြဂုတ်လ ၈ ရက်က တွေ့ရစဉ်

မြန်မာနိုင်ငံ၏ စတော့အိပ်ချိန်းကို ၂၀၁၅ခုနှစ်မကုန်ဆုံးမီ တည်ထောင်နိုင်ရန်ပြင်ဆင်လျှက်ရှိပြီး နိုင်ငံပိုင် စက်ရုံအလုပ်ရုံများအပါအ၀င် စီးပွားရေးလုပ်ငန်းများကို ၂၀၁၂ ခုနှစ်တွင် အများပြည်သူသို့  အစုရှယ်ယာများ ထုတ်ဝေရောင်းချရန် စီစဉ်ထားကြောင်း သတင်းရရှိပါသည်။
''ငွေရေးကြေးရေး ဈေးကွက်မှာ ငွေကြေးဈေးကွက်နဲ့ အရင်းအနှီးဈေး ကွက်ဆိုပြီး နှစ်ပိုင်း  ပါဝင်ပါတယ်။ ငွေကြေးဈေးကွက်ဆိုတာ တစ်နှစ်အောက် ကာလတိုချေးငွေတွေကို ဆောင်ရွက်တဲ့ဈေးကွက်ဖြစ်ပါတယ်။
အရင်းအနှီး ဈေးကွက်ဆိုတာက တစ်နှစ်အထက် ကာလရှည်ချေးငွေတွေကို ဆောင်ရွက်တဲ့ဈေးကွက်ပါ။ မြန်မာနိုင်ငံမှာ ငွေကြေးဈေးကွက်ရှိပေမယ့် အရင်းအနှီးဈေးကွက် မဖြစ်ထွန်းသေးဘူး။ ဒါကြောင့် အရင်းအနှီးဈေးကွက်ကို တည်ထောင်နိုင်ဖို့ ပြင်ဆင်နေပါ တယ်။ လုပ်ငန်းစဉ်တွေကို အပိုင်း သုံးပိုင်းနဲ့ ဆောင်ရွက်နေတယ်။၂၀၁၅ ခုနှစ် မကုန်ဆုံးမီ စတော့အိပ်ချိန်းကို တည်ထောင်သွားမှာပါ'' ဟု အရင်းအနှီး ဈေးကွက်တည်ထောင်ရန် ပြင်ဆင်နေသည့်တာဝန်ရှိသူတစ်ဦးက ပြောကြားပါသည်။

မြန်မာနိုင်ငံတွင် တည်ထောင် မည့်အရင်းအနှီးဈေးကွက်တွင် အစိုးရနှင့် အစိုးရအဖွဲ့အစည်းများ၊ ကာလရှည် ချေးငွေများကိုဆောင်ရွက်ပေးမည့် ရင်းနှီးမြှုပ်နှံမှုနှင့် ဖွံ့ဖြိုးရေးဘဏ်များအပါအ၀င် ဘဏ်များ၊ စည်ပင် သာယာရေးအဖွဲ့အစည်းများ၊ အများပိုင်ကုမ္ပဏီများ ပါဝင်ကြမည်ဖြစ်ပြီး ငွေချေးသက်သေခံလက်မှတ်များ၊ ငွေချေးစာချုပ်များ၊ စတော့ရှယ်ယာများ၊ နိုင်ငံခြားငွေများနှင့် ငွေရေးကြေးရေး ရရန်ပိုင်ခွင့်များအပေါ် တာဝန်ခံမှု ကတိစာချုပ်များကို အရောင်းအ၀ယ် ပြုလုပ်ကြမည်ဖြစ်သည်။
''ကာလရှည် ရင်းနှီးမြှုပ်နှံရမယ့် လုပ်ငန်းတွေအတွက် အရင်းအနှီးဈေးကွက် လိုအပ်ပါတယ်။ ဒါကြောင့်အများနဲ့ သက်ဆိုင်တဲ့လုပ်ငန်းတွေ၊ ကော်ပိုရေးရှင်းတွေဖွဲ့စည်းပြီး ရှယ်ယာတွေ ထုတ်ဝေရောင်းချတာ၊ ငွေချေးစာချုပ် တွေထုတ်ဝေရောင်းချတာတွေ ပြုလုပ်မယ်ဆိုရင်  ဘဏ်ကချေးငွေရယူသလို အာမခံအပေါင်တင်သွင်းရတာ၊ သတ်မှတ်တဲ့ကာလအတွင်း ချေးငွေပြန်ဆပ်ရတာမျိုး အနေအထားတွေမရှိတော့ဘဲ ကာလရှည် အရင်းအနှီးရရှိမှုပေါ်မူတည်ပြီး လုပ်ငန်းဖွံ့ဖြိုးဖို့ စီမံခန့်ခွဲနိုင်တဲ့ အခြေအနေကို ရရှိနိုင်မှာပါ'' ဟု ငွေရေးကြေးရေး ပညာရှင်တစ်ဦးက ထင်မြင်ချက်ပေးပါသည်။