မိုးသက်လေပြင်းများကြောင့်ပျက်ဆီးသွားသော ပုဂံဒေသရှိ စေတီပုထိုးများ ပြန်လည်ပြုပြင်ဖို့ စီစဉ်နေကြ

မိုးကြောင့်ပျက်စီးသွားသော ဘုရား အမှတ် ၁၉၅၅ အား ပြုပြင်ရန် ရှင်းလင်းဆောင်ရွက်နေစဉ်

ပုဂံရှေးဟောင်းယဉ်ကျေးမှုနယ်မြေတွင် အောက်တိုဘာလ ၂၀ ရက်နေ့က စံချိန်တင် ရွာသွန်းခဲ့သောမိုးကြောင့် ရှေးဟောင်းယဉ်ကျေးမှု အမွေအနှစ် စေတီ၊ ပုထိုးအဆောက်အအုံများ တံတိုင်းမြို့ရိုးများ ပျက်စီးမှုတချို့ရှိခဲ့ရာ ပြန်လည်ပြုပြင် ထိန်းသိမ်းရေးဆောင်ရွက်ရန် ရှေးဟောင်းသုတေသနဌာနမှ စီစဉ်ဆောင်ရွက်လျက်ရှိကြောင်း သတင်းရရှိပါသည်။
 ''ပုဂံဘုရားတွေက အုတ်တွေနဲ့ တည်ဆောက်ထားပြီး နှစ်ကလည်း ထောင်ချီကြာတော့ မိုးများတဲ့ဒဏ်ကို မခံနိုင်ဘူး။ ပြန်ပြီးပြုပြင်ထိန်းသိမ်းရေးလုပ်တဲ့နေရာမှာလည်း အလွန်အရေးကြီးပါတယ်'' ဟု ရှေးဟောင်းဘုရားများ ပြုပြင်ထိန်းသိမ်းတည် ဆောက်ရေး လုပ်ငန်းများတွင် အတွေ့အကြုံရှိသူတစ်ဦးက ပြောကြားခဲ့ပါသည်။

ထိုနေ့ကရွာသွန်းခဲ့သော မိုးကြောင့် ရှေးဟောင်းစေတီ၊ ပုထိုး၊ အဆောက်အအုံအချို့ ပျက်စီးသကဲ့သို့ ညောင်ဦးမြို့ရှိ ဆပဒ(ဘုရားနီ) ဘုရားအရှေ့ဘက်တံတိုင်း အစိတ်အပိုင်း တချို့သည်လည်းကောင်း၊ ပုဂံသရပါတံခါး မြောက်ဘက်ရှိ မြို့ ရိုး အစိတ်အပိုင်းအချို့သည်လည်းကောင်း၊ ဓမ္မရာဇိကဘုရား၏ အနောက်မြောက်ဘက်တံတိုင်း အစိတ်အပိုင်းအချို့သည်လည်းကောင်း ပျက်စီးမှုများရှိခဲ့ကြောင်း သိရှိရပါသည်။

ပုဂံရှေးဟောင်းယဉ်ကျေးမှု အမွေအနှစ်စေတီ၊ ပုထိုး၊ အဆောက်အအုံများ၊ ဗိသုကာအနုလက်ရာများသည် သဘာဝဘေးဒဏ်များကြောင့် အများအပြား ပျက်စီးဆုံးရှုံးရလေ့ရှိရာ ၁၉၅၆ ခုနှစ် ဇူလိုင်လ ၁၆ ရက်နေ့ ငလျင်နှင့် ၁၉၇၅ ခုနှစ် ဇူလိုင်လ ၈ ရက်နေ့ ငလျင်များကြောင့်လည်း အများအပြားဆုံးရှုံး ပျက်စီးခဲ့ရကြောင်းလည်း စုံစမ်းသိရှိရပါသည်။    

ဖွံဖြိုးရေးအတွက် အခြေခံလိုအပ်ချက်တော်တော်များများလိုအပ်နေ

ဖွံဖြိုးတိုးတက်မှုလို့ ဆိုတဲ့နေရာမှာ လွတ်လပ်မှုတွေ ချုပ်ခြယ်မှုတွေမရှိမှသာ တိုးတက်ဖွံဖြိုးမှု ရှိနိုင်မယ်လို့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောဆိုပါတယ်။ တရားမဲ့မှု၊ မမျှတမှု၊ အာဏာရှင်ဆန်မှု၊ လူထုအပေါ် တာဝန်ယူလိုစိတ်ကင်းမဲ့မှု ဒါတွေကို ဖယ်ထုတ်ရေးဟာ ဖွံဖြိုးတိုးတက်မှုအတွက် အရေးကြီးတယ်လို့ ပြောဆိုသွားတာပါ။ ဒါနဲ့ ပတ်သက်လို့တော့ ကိုသားညွန့်ဦးက တင်ပြပေးထားပါတယ်။
ဖွံဖြိုးတိုးတက်မှုဆိုတဲ့နေရာမှာ အခြေခံလွတ်လပ်မှုတွေကို ချန်ထားလို့မရဘူးလို့ အမေရိကန် ပြည်ထောင်စု၊ ဒေါ်အောင်ဆန်းစုကြည်ကို ပေးအပ်တဲ့ မစ်ချီကန်တက္ကသိုလ်ကနေ Wallenberg ဆုပေးပွဲ အခမ်းအနား မိန့်ခွန်းထဲ ဒေါ်အောင်ဆန်းစုကြည်က ထည့်သွင်းပြောဆိုသွားတာပါ။ စီးပွားရေးနိုဗယ်ဆုရှင် ဒေါက်တာ Amartya sen ရဲ့ ဖွံဖြိုးတိုးတက်မှုနဲ့ လွတ်လပ်မှု ဒွန်တွဲနေတယ် ဆိုတဲ့အမြင်ကို ဒေါ်အောင်ဆန်းစုကြည်က ထောက်ခံ ဆွေးနွေးခဲ့တာ ဖြစ်ပါတယ်။ တိုင်းပြည်တရပ်၊ လူ့အဖွဲ့အစည်းတရပ် ဖွံဖြိုးတိုးတက်လာရေးအတွက် ချုပ်နှောင်မှုတွေကို ဖယ်ရှားပစ်ဖို့ လိုအပ်မယ်လို့ ဒေါ်အောင်ဆန်းစုကြည်က ပြောဆိုသွားပါတယ်။

မြစ်ဆုံရေအားလျှပ်စစ် စီမံကိန်းမှ တရုတ်နိုင်ငံသား ၀န်ထမ်းအများစု နေရပ်သို့ပြန်

 မြစ်ဆုံရေအားလျှပ်စစ် စီမံကိန်းမှ တရုတ်နိုင်ငံသား ၀န်ထမ်းအများစုသည် တရုတ်နိုင်ငံသို့ ပြန်လည်ထွက်ခွာသွားပြီဖြစ်ကြောင်း မြစ်ကြီးနားမြို့ရှိ ဒေသခံအချို့ထံမှ သတင်းရရှိပါသည်။
မစ်ဆုံရေအားလျှပ်စစ်စီမံကိန်း သည် မြစ်ကြီးနားမြို့နှင့် မြစ်ဆုံဒေသအကြားတွင် တည်ရှိပြီး အဆိုပါစီမံကိန်းကို အမှတ်(၁)လျှပ်စစ်စွမ်းအားဝန်ကြီးဌာနနှင့် တရုတ်နိုင်ငံမှ China Power Investment Corporation (CPI) တို့ ပူးပေါင်းပြုလုပ်ခဲ့ခြင်းဖြစ်သည်ဟု သိရသည်။

လောလောဆယ်မှာတော့ ၀န်ထမ်းတော်တော်များများ ပြန်သွားကြပြီ။ အကုန်လုံးတော့ မဟုတ်သေးဘူးထင်တယ်။ နည်းနည်း လောက်တော့ ကျန်ဦးမှာပေါ့။ လုပ်ငန်းခွင်လည်း လုံးဝရပ်သွားပြီ။

အဆိုပါစီမံကိန်းသည် သဘာဝပတ်ဝန်းကျင် ဆိုင်ရာနှင့် လူမှုရေးသက်ရောက်မှု များစွာဖြစ်ပေါ်နိုင်သည့်အတွက် ယခုနှစ်အတွင်းမီဒီယာများ၊ အဖွဲ့အစည်းများ၊ သဘာဝပတ်ဝန်းကျင် ထိန်းသိမ်းရေး ပညာရှင်များနှင့် ပြည်သူလူထုတို့ ကကန့်ကွက်မှုများ၊ အကြံပြုချက်များ ပြုလုပ်ခဲ့ကြသည်ဟု သိရှိရသည်။   ထို့နောက် ၂၀၁၁ ခုနှစ် စက်တင်ဘာလ ၃၀ ရက်နေ့တွင် မြစ်ဆုံ စီမံကိန်းကို ရပ်ဆိုင်းလိုက်ကြောင်း ထုတ်ပြန်မှုပြုလုပ်ခဲ့သည်ဟု သိရသည်။
''လောလောဆယ်မှာတော့ ၀န်ထမ်းတော်တော်များများ ပြန်သွားကြပြီ။ အကုန်လုံးတော့ မဟုတ်သေးဘူး ထင်တယ်။ နည်းနည်းလောက်တော့ ကျန်ဦးမှာပေါ့။ လုပ်ငန်းခွင်လည်း လုံးဝ ရပ်သွားပြီ။ ရုံးတွေဘာတွေကိုတော့ ဘယ်လိုလုပ်မလဲမပြောတတ်ဘူး''ဟု မြစ်ကြီးနား မြို့ခံတစ်ဦးက ၂၀၁၁ ခုနှစ် အောက် တိုဘာလ ၂၄ ရက်နေ့က ပြောပြခဲ့သည်။
ဧရာဝတီမြစ်အထက်ပိုင်း မြစ်ဆုံရေအားလျှပ်စစ်စီမံကိန်း၏ စီမံကိန်းဧရိယာနှင့် မလွတ်ကင်းသော ရွာငါးရွာကို ပြောင်းရွှေ့နေရာချထားခဲ့ကာ ယင်းရွာများမှာ တန်ဖဲ၊ ကျိန်ခရမ်၊ မြစ်ဆုံ၊ ခပ္ပါး/အောင်ဂျာယန်၊ ဒေါင်ပန်ရွာတို့ဖြစ်ပြီး လက်ရှိတွင် ဒေသခံတိုင်းရင်းသားတို့သည်ပြောင်း ရွှေ့ပေးထားသော စံပြကျေးရွာသစ်များတွင် နေထိုင်လျက်ရှိကြသည်။ မြစ်ဆုံရေအားလျှပ်စစ် စီမံကိန်းသည် တရုတ်နိုင်ငံသား ၀န်ထမ်းများ အဓိကပါဝင်လျှက် လုပ်ဆောင်ခဲ့ခြင်းဖြစ်သည်။
ကချင်ပြည်နယ် အတွင်းရှိ မြစ်ဆုံဒေသမှ အစပြုစီးဆင်းလာသော ဧရာဝတီမြစ်သည် ကီလိုမီတာ ၂၁၇၀ (၁၃၄၈ မိုင်) ရှည်လျားပြီး ကချင်ပြည်နယ်၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်း ဒေသကြီး၊ ဧရာဝတီတိုင်းဒေသကြီး တို့ကို အဆင့်ဆင့် ဖြတ်သန်းစီးဆင်းကာ ကပ္ပလီပင်လယ် အတွင်းသို့ စီးဝင်နေသည်။ မြစ်ဖြတ်သန်းရာ တစ်လျှောက်တွင် လူနေထူထပ်သော၊ စီးပွားရေးဖွံ့ဖြိုးသော မြို့ကြီးများစွာ တည်ရှိနေကြသည်။

ပခုက္ကူ ရေဘေး NLD က ဆန် နဲ့ ငွေလှူ

အမျိုးသား ဒီမိုကရေစီ အဖွဲ့ချုပ် လူမှုအထောက်အကူပြု အဖွဲ့အနေနဲ့ မကွေးတိုင်းအတွင်းက ရေဘေးသင့် ဒုက္ခသည်တွေကို ဒီကနေ့ ဆန် နဲ့ အလှူငွေတွေ ထောက်ပံ့နေပါတယ်။

AFP

၂၀၁၁ ခုနှစ် အောက်တိုဘာလ ၂၁ ရက်နေ့က မြန်မာနိုင်ငံ အလယ်ပိုင်းဒေသ ပခုက္ကူ ရေလွှမ်းမိုးမှုကြောင့် ကျိုးကျခဲ့ရသော မြစ်ကူးတံတားကို တွေ့မြင်ရစဉ်။ AFP PHOTO

NLD အဖွဲ့ချုပ် နဲ့ ဒေသခံ NLD အဖွဲ့ဝင်တွေ အလှူရှင်တွေရဲ့ ပံ့ပိုးကူညီငွေတွေနဲ့ ဘုန်းကြီးကျောင်းတွေမှာ ခိုလှုံ နေထိုင်နေတဲ့ ပခုက္ကူမြို့က ရေဘေးဒုက္ခသည် အိမ်ထောင်စု ငါးရာကျော်ကို ဒီကနေ့ ထောက်ပံ့ အကူအညီပေးခဲ့ကြောင်း အမျိုးသား ဒီမိုကရေစီ အဖွဲ့ချုပ် လူမှုအထောက်အကူပြုအဖွဲ့ ဦးအုံးကြိုင်က RFA ကိုပြောပါတယ်။ “ဒီမှာ လူဦးရေ ၁၄၀၀ ကျော် နဲ့ မိသားစု ၅၅၁ စုက ဒီက ဘုန်းကြီးကျောင်းတွေမှာ ခိုလှုံနေကြရတယ်။ အထွေထွေ အတွင်းရေးမှူး လှူဒါန်းလိုက်တဲ့ငွေရယ်၊ ဒီမှာ ကြိုတင်ပြီးတော့ လှူဒါန်းထားတဲ့ငွေတွေရယ် အားလုံးပေါင်း သိန်းငါးဆယ်လောက်ရတော့၊ ပခုက္ကူမှာတော့ တစ်အိမ်ထောင်ကို ဆန်လေးပြည် နဲ့ ငွေကျပ် သုံးထောင်ပေါ့ ရေးဘေးဒုက္ခသည်တွေ ခိုလှုံနေတဲ့ ကျောင်းတွေကို လှည့်ပြီးတော့ အကူအညီပေးနေပါတယ်။” ပခုက္ကူမြို့မှာ ရေဘေးကြောင့် သေဆုံးသူ တစ်ရာကျော်ရှိနေပြီး အိုးအိမ်မဲ့ ဒုက္ခသည် ထောင်ချီ ရှိနေပါတယ်။ ဒုက္ခသည်တွေအတွက် မြို့နယ် ဆရာဝန်ကြီး ကိုယ်တိုင် ကျန်းမာရေး စောင့်ရှောက်မှု ပေးနေကြောင်း နဲ့ တခြား လူမှု အဖွဲ့အစည်းတွေကလည်း ကူညီထောက်ပံ့ ပေးနေကြောင်း သိရပါတယ်။ ပခုက္ကူမြို့က ရေဘေးဒုက္ခသည်တွေရဲ့ နောက်ဆုံး အခြေအနေကို အဲဒီကို ရောက်ရှိနေတဲ့ အမျိုးသား ဒီမိုကရေစီ အဖွဲ့ချုပ် လူမှုအထောက်အကူပြုအဖွဲ့က ဦးအုံးကြိုင်နဲ့ ဆက်သွယ်မေးမြန်းထားတာ နားဆင်နိုင်ပါတယ်။

ဆက်သွယ်မေးမြန်းချက်။

ကမ္ဘာ့လူဦးရေ သန်း ၇ထောင် ပြည့်မည်

လာမယ့်တနင်္လာနေ့ကျရင် ကမ္ဘာ့လူဦးရေဟာ ၇ ဘီလျှံ၊ (သန်းပေါင်း ၇ ထောင်) အထိ ရှိလာလိမ့်မယ် လို့ ကုလသမဂ္ဂက ပြောပါတယ်။ ကုလသမဂ္ဂ လူဦးရေဆိုင်ရာအဖွဲ့ရဲ့ မနေ့က ထုတ်ပြန်တဲ့ အစီရင်ခံစာထဲမှာ ဖော်ပြထားတာပါ။

အနာဂတ်မှာ လူတွေ ကျန်းမာရေး ကောင်းကောင်းနဲ့ ရေရှည်ရပ်တည်နိုင်ကြမလား- ချမ်းသာကြွယ်ဝမှုတွေ ရှိလာမလား ဆိုတာတွေကတော့ သဘာဝ ပတ်ဝန်းကျင် ကျဆင်းနေတာတွေ၊ ကမ္ဘာ့စီးပွား ကျဆင်းနေတာတွေ အပေါ်မှာ လူတွေက ဘယ်လိုတုံ့ပြန်ကြမလဲ ဆိုတဲ့အပေါ် မူတည်တယ်လို့ အစီရင်ခံစာက ဆိုပါတယ်။ ၂၀၁၁ ခုနှစ် ကမ္ဘာ့လူဦးရေဆိုင်ရာ အစီရင်ခံစာထဲမှာ ရှင်သန် မွေးဖွားဖို့နဲ့ အသက်ရှည်ရှည်နေနိုင်မှုတွေကို ပိုပြီး ရှိလာနေတာတွေကို ရောင်ပြန်ဟပ်တဲ့ အပြုသဘောဆောင်တဲ့ အချက်တွေကိုလည်း မြင်ရလိမ့်မယ်လို့ အစီရင်ခံစာမှာ ဖော်ပြထားပါတယ်။
ဒါပေမဲ့လည်း ဖွံ့ဖြိုးဆဲ ကမ္ဘာ့နိုင်ငံတွေအကြားမှာတော့ တိုးပွားလာတဲ့ လူဦးရေအတွက် လိုအပ်ချက်တွေကို ဖြည့်ဆီးပေးတဲ့နေရာမှာ ကွာဟမှုတွေ ရှိနိုင်တယ်လို့ ဆိုပါတယ်။ ကမ္ဘာ့လူဦးရေရဲ့ ၆၀ ရာခိုင်နှုန်းဟာ အာရှမှာရှိနေပြီး ၁၅ ရာခိုင်နှုန်းကတော့ အာဖရိကမှာ ရှိပါတယ်။
အစိုးရတွေအနေနဲ့လည်း ကျန်းမာရေး၊ ပညာရေးနဲ့ လူငယ်တွေကို ပိုပြီးပြုစုပျိုးထောင်ပေးကြဖို့ ကိုလည်း ကုလသမဂ္ဂ အစီရင်ခံစာက တိုက်တွန်းပါတယ်။

နိုင်ငံ ၉ ခုမှာ လူဦးရေက သိသိသာသာ တိုးလာနေတဲ့အကြောင်း အဲဒီ နိုင်ငံတွေကတော့ တရုတ်၊ အီဂျစ်၊ အီသီယိုးပီးယား၊ ဖင်လန်၊ အိန္ဒိယ၊ မက္ကစီကို၊ မိုဇမ်ဘစ်၊ နိုင်ဂျာနဲ့ မက်ဆီဒိုးနီးယားနိုင်ငံတွေပဲ ဖြစ်ပါတယ်။