IMF နှင့် မြန်မာနိုင်ငံ

အမျိုးမျိုးကွဲပြားနေတဲ့ မြန်မာ့ငွေနဲ့ နိုင်ငံခြားငွေလဲလှယ်နှုန်း တစုတစည်းထဲ ဖြစ်စေဖို့အတွက် အကြံပေးပါရန် သမ္မတ ဦးသိန်းစိန်အစိုးရက IMF နိုင်ငံတကာငွေကြေး ရန်ပုံငွေ အဖွဲ့ကြီးကို အကူအညီတောင်းခံချက်အရ၊ ဒီနေ့ရန်ကုန်မြို့ကိုရောက်ရှိလာတဲ့ IMF ကိုယ်စားလှယ် အဖွဲ့အနေနဲ့  ဒီခရီးစဉ်အတွင်း ဘယ်လို အကြံပြုနိုင်မလဲ ဆိုတာနဲ့ ပတ်သက်လို့ စီးပွားရေးတက္ကသိုလ် အငြိမ်းစား ပါမောက္ခချုပ် ဦးမော်သန်းရဲ့ သုံးသပ်ချက်ကို ဒေါ်ခင်စိုးဝင်းက ဆက်သွယ် မေးမြန်းထားပါတယ်။

မြန်မာ့ကျပ်ငွေနဲ့ နိုင်ငံခြားငွေ လဲလှယ်နှုန်း တမျိုးထဲ၊ တစ်စု တစ်စည်းထဲဖြစ်အောင် လုပ်နိုင်မယ့် အခြေအနေရှိပါသလား ဆရာ။

"Exchange Rate Unification ဆိုတာကလဲ အစကတည်းကိုက ကျနော်တို့က FEC ထုတ်ထားတယ်။ FEC ကို ကြေငြာတာကတော့ Green Bag လိုဘဲ FEC သည် တူညီရမယ်လို့ ပြောပြီးတော့ တကယ် လက်တွေ့ကျတော့ FEC နဲ့ အစိမ်းရဲ့ အခွင့်အရေးခြင်း မတူဘူးဆိုရင်တော့ နှုန်းက အမျိုးမျိုး ရှိမှာဘဲ။
တန်းတူ ညီမျှ Operable မဖြစ်ဘူး၊ ကန့်သတ်ချက် ရှိနေတယ်ဆိုရင်တော့ Unification (ပေါင်းစည်းခြင်း) ဆိုတာလဲ ဖြစ်လာမှာ မဟုတ်ဘူးလို့ ကျနော် ထင်ပါတယ်။" အစိုးရအနေနဲ့ကတော့ FEC တွေ ပြန်ဝယ်မယ်၊ တဖြည်းဖြည်းနဲ့ FEC တွေ ပြန်သိမ်းမယ့် သဘောရှိတယ်လို့ တရားဝင် ပြောထားတာတော့ ရှိပါတယ် ဆရာ။ အခု IMF ကိုယ်စားလှယ်အဖွဲ့က ငွေလဲလှယ်နှုန်းကို တစု တစည်းထဲ သတ်မှတ်တဲ့ ကိစ္စအပြင် IMF အဖွဲ့ဝင်တွေ လိုက်နာရမယ့် Article 8၊ ပြန်ဌာန်းချက် ၈ မှာပါတဲ့
အချက်အလက်တွေအရ နိုင်ငံတကာနဲ့ ငွေပေးချေတာတွေ၊ ငွေပြောင်း ငွေလွဲ လုပ်တဲ့နေရာတွေမှာ ကန့်သတ်ချက်တွေကို အစိုးရက ရုပ်သိမ်းပေးဖို့ အတွက်ကိုလည်း တိုက်တွန်းမယ်လို့ သိရပါတယ် ဆရာ။

ရခိုင်ကို မုန်တိုင်းငယ်တခု ၀င်ရောက်နေ

ဘင်္ဂလား ပင်လယ်အော် အရှေ့မြောက်ပိုင်း၌ ဖြစ်ပေါ်နေသော မုန်တိုင်းငယ်သည် ယနေ့မွန်းလွဲပိုင်းမှ စတင်ကာ ဘင်္ဂလားဒေ့ရ်ှနိုင်ငံ ကောက်စ်ဘဇားမြို့နှင့်ရခိုင်ပြည်နယ် မောင်းတောမြို့ကြားမှ ကုန်းတွင်းပိုင်းကို ၀င်ရောက်နေပြီဖြစ်ကြောင်း မိုးလေ၀သ နှင့် ဇလဗေဒ ပညာရှင် ဦးထွန်းလွင်၏ ရာသီဥတုဆိုင်ရာ အင်တာနက် စာမျက်နှာတွင် ဖော်ပြထားသည်။
ယင်းမုန်တိုင်းသည် သိသိသာသာအားကောင်းလာခြင်းမရှိဘဲ ရခိုင်ပြည်နယ်မြောက်ပိုင်းကို စစ်တွေမြို့အနီးမှ ယနေ့ညပိုင်းတွင် ဆက်လက် ဖြတ်ကျော်သွားမည်ဖြစ်သည်ဟုလည်း ဦးထွန်းလွင်၏ ယနေ့ ညနေ ၄ နာရီခန့် ထုတ်ပြန်ချက်က ဆိုသည်။
အဆိုပါမုန်တိုင်းကို အ၀ါရောင်အဆင့်သတ်မှတ်ထားပြီး တနာရီလျှင် မိုင် ၅၀ မှ ၆၀ နှုန်းအထိ လေပြင်းများတိုက်ခတ်နိုင်ကြောင်း၊ မုန်တိုင်း ဒီရေ ၆ ပေမှ ၈ ပေအထိ တက်နိုင်ကြောင်း နေပြည်တော် မိုးလေ၀သနှင့်ဇလဗေဒ ဦးစီးဌာနကလည်း ယနေ့ နေ့လယ် ၁၂ နာရီ ခွဲတွင် ထုတ်ပြန်ထားသည်။

ဒေါ်စု အမျိုးသမီးသတ္တိရှင် Oxi Day ဆု ချီးမြှင့်ခံရ

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ၀ါရှင်တန်ဒီစီအခြေစိုက် Oxi Day အဖွဲ့ကြီးကနေပြီးတော့ ပထမဦးဆုံး Oxi Day Crete တိုက်ပွဲဆု ချီးမြှင့်လိုက်ပါတယ်။ ဒုတိယကမ္ဘာစစ်အတွင်းက ဟစ်တလာနဲ့ မူဆိုလိုနီတို့လို အင်အားကြီးတဲ့ အာဏာရှင်တွေကို ဂရိနိုင်ငံငယ်ကလေးက No လို့ အဓိပ္ဗာယ်ရတဲ့ Oxi ဆိုတဲ့ ဝေါဟာရကို သုံးပြီးတော့ အာခံခဲ့ကြတာမှာ အမျိုးသမီးတွေ ပါဝင်ခဲ့တဲ့ အခန်းကဏ္ဍကို ဒီဆုက ဂုဏ်ပြုချီးမြှင့်တာ ဖြစ်ပါတယ်။ ဒေါ်အောင်ဆန်းစုကြည်ကိုလည်း မြန်မာ့ဒီမိုကရေစီရရှိရေးနဲ့ လွတ်လပ်မှုအတွက် သတ္တိရှင် အမျိုးသမီးတဦး အနေနဲ့ အခုလို ဆုချီးမြှင့်တာ ဖြစ်ပါတယ်။ အကြောင်းစုံကို ဒေါ်ခင်မျိုးသက်က တင်ပြထားပါတယ်။

အစိုးရက KIA ကို ဆက်၍ ထိုးစစ်ဆင်နေ

ကချင်ပြည်နယ်နှင့် ရှမ်းပြည်နယ်တွင် အစိုးရစစ်တပ်နှင့် ကချင်ပြည်လွတ်လပ်ရေး တပ်မတော် (KIA) တပ်ဖွဲ့ဝင်များအကြား တိုက်ပွဲများ ဆက်လက်ဖြစ်ပွားနေပြီး အစိုးရဘက်က လတ်တလော ထိုးစစ်ဆင်နေမှုများသည် ၎င်းတို့ အမာခံနယ်မြေများကို သိမ်းယူရန် အတွက် ဖြစ်သည်ဟု KIA ကပြောသည်။

လိုင်ဇာဌာနချုပ်မှ ရှေ့တန်း စစ်မြေပြင်သို့ ထွက်ခွာသွားနေသော KIA တပ်ဖွဲ့ဝင်များ(ဓာတ်ပုံ - Jinghpaw Kasa Blog)

ပြီးခဲ့သည့် ကြာသပတေးနေ့ကစတင်သည့် တိုက်ပွဲများအတွင်း KIA စစ်ဌာနချုပ် လိုင်ဇာနှင့် ပါဂျောင်သို့သွားရာ လမ်းတလျှောက်ရှိ KIA ခြေကုတ် စခန်းများကို အစိုးရတပ်များက တိုက်ခိုက်ခဲ့ကြောင်း သိရသည်။
ပါဂျောင်သို့ သွားရာလမ်းရှိ ၀ိုင်းမော်မြို့နယ်အနီး Lung Zep Kong တောင်ကုန်း၊ နမ်ဆန်ရန်ရွာနှင့် ရှမ်းပြည်နယ် ကွတ် ခိုင်မြို့နယ်အနီး တာမိုးညဲဒေသများတွင်လည်း တိုက်ပွဲများကြိုးကြား ကြိုးကြား ဖြစ်နေသည်ဟု KIA ကပြောသည်။
“အစိုးရတပ်တွေက သောကြာနေ့ကတည်းက အဓိက နေရာ သုံးခုကို သဲသဲမဲမဲတိုက်နေတာ၊ တပ် အင်အား ၆၀၀
လောက်ထပ်ပြီး ပို့နေတယ်လို့လည်း အခုနောက်ဆုံး သိရတယ်”ဟု KIA မှ ဗိုလ်မှူးကြီး ဇောရော် က ဧရာဝတီ သို့ ပြော သည်။

ကချင်ပြည်နယ်မှာ အစိုးရရဲ့ လူ့အခွင့်အရေးချိုးဖောက်မှု ကြီးမား

ကချင်ပြည်နယ်မှာ အစိုးရရဲ့ လူ့အခွင့်အရေးချိုးဖောက်မှု ကြီးမား
HRW ရဲ့ ခန့်မှန်းချက်အရ ကချင်အရပ်သား ၃၀,၀၀၀ ခန့်မှန်းခြေဟာ တိုက်ပွဲတွေကြောင့် တောတောင်တွေထဲ လှည့်လည် ပုန်းအောင်နေရတယ်လို့ ပြောပါတယ်။
မြန်မာနိုင်ငံမြောက်ပိုင်း ကချင်ပြည်နယ်အတွင်း ဒီနှစ်ထဲ တိုက်ပွဲတွေပြန်ဖြစ်လာတာမှာ မြန်မာစစ်တပ်က အရပ်သားပြည်သူတွေအပေါ် လူ့အခွင့်အရေးချိုးဖောက်မှုတွေကို ဆိုးဆိုးဝါးဝါး ကျူးလွန်ခဲ့ကြတယ်ဆိုပြီး နယူးယောက်အခြေစိုက် HRW လူ့အခွင့်အရေးစောင့်ကြပ်မှုအဖွဲ့က အပြစ်တင်လိုက်ပါတယ်။ သူတို့ သတင်းသွားရောက်ရယူခဲ့တဲ့ မှတ်တမ်းတွေအရ အပြစ်မဲ့အရပ်သား အချို့ အထူုးသဖြင့် အမျိုးသမီးနဲ့ ကလေးငယ်တွေကို မြန်မာစစ်တပ်က ပစ်ခတ်သတ်ဖြတ်မှုတွေပါ ရှိခဲ့တယ်လို့ HRW က ပြောပါတယ်။ HRW ပြောခွင့်ရသူကို ကိုသားညွန့်ဦးက ဆက်သွယ်မေးမြန်းထားပါတယ်။
ကချင်ပြည်နယ်အတွင်း ဒီနှစ် ဇွန်လကစခဲ့တဲ့ KIA ကချင်လွတ်လပ်ရေးတပ်ဖွဲ့နဲ့ မြန်မာအစိုးရတပ် တိုက်ပွဲတွေအကြား ကချင်လူမျိုး ဒေသခံ အရပ်သားတွေအပေါ် လူ့အခွင့်အရေးချိုးဖောက်မှုတွေ ရှိတယ်ဆိုတဲ့ သတင်းတွေကြောင့် နယူးယောက်အခြေစိုက် Human Rights Watch လူ့အခွင့်အရေး စောင့်ကြပ်မှုအဖွဲ့အနေနဲ့ ကချင်ပြည်နယ်အတွင်းကို ကိုယ်တိုင်ဆင်းပြီး အခြေအနေတွေကို လေ့လာခဲ့တယ်လို့ HRW က ပြောပါတယ်။
ဇူလိုင်နဲ့ သြဂုတ်လတွေအတွင်းမှာ HRW စုံစမ်းရေးအဖွဲ့ဟာ ကချင်ပြည်နယ်အတွင်းက အရပ်သားတွေ စွန့်ပစ်ခဲ့တဲ့ ကျေးရွာဟောင်းတွေနဲ့ တောထဲမှာလှည့်လည်ပုန်းအောင်နေထိုင်နေကြတဲ့ ဒုက္ခသည် စခန်းတွေကို သွားရောက် လေ့လာခဲ့တယ်လို့ ဆိုပါတယ်။ အဲဒီကနေ အသေအချာ မှတ်တမ်းပြုပြီး တွေ့ရှိချက်တွေအရ မြန်မာအစိုးရတပ်ဟာ အရပ်သားတွေအပေါ် လူ့အခွင့်အရေး ချိုးဖောက်မှုတွေ ရှိနေတယ်ဆိုတာကို ကောက်ချက်ဆွဲခဲ့တာလို့ HRW ရဲ့ အာရှရေးရာ လက်ထောက်ညွန်ကြားရေးမှူး Elaine Pearson က ဗွီအိုအေကို ပြောပါတယ်။
“တိုက်ပွဲတွေပြန်ဖြစ်တဲ့ လွန်ခဲ့တဲ့ ငါးလကတည်းက အဲဒီဒေသတွင်းမှာ မြန်မာစစ်တပ်အနေနဲ့ လူ့အခွင့်အရေးချိုးဖောက်မှုတွေ ကျူးလွန်နေတယ်ဆိုတဲ့ သတင်းတွေရ ပါတယ်။ HRW လူ့အခွင့်အရေး စောင့်ကြပ်မှုအဖွဲ့အနေနဲ့ ဒါတွေ တကယ်ဖြစ်ခဲ့သလား အတည်ပြုဖို့လိုလာပါတယ်။ ဒါကြောင့် အဲဒီကို သွားရောက်ပြီး မြန်မာစစ်တပ်ကနေ အရပ်သားတွေအပေါ် တိုက်ခိုက်မှုတွေ၊ သတ်ဖြတ်မှုတွေ၊ အတင်းအဓမ္မ လုပ်အားပေးခိုင်းစေမှုတွေ၊ ကျေးရွာတွေ ဖျက်ဆီးခံရမှုတွေကို အသေအချာ လေ့လာ မှတ်တမ်းပြုစုခဲ့ပါတယ်။”